هنا سبب تاخير اعدادية الشرقية

[علاء رشدي]

السلام عليكم جميعا

انا بعتذر لكل واحد حس اننا بلعب باعصابه فى موضوع النتيجه يا جماعه انا اول كلامى قولت النتيجه السبت ودا كلام الكنترول
رفضوا يعتمدوها لاسباب خاصه بيهم ورجعت
اتصلت بيهم قالولى وقالوا اخرها الاتنين بالليل على ان تعلن الثلاثاء بالمدارس وبعدها الكنترول سلم النتيجه لتعتمد وخلص عمليات المراجع الطويله جدا التى لم يمروا بها من قبل ودا كله فى مصلحة الطلبه
والان النتيجه واقفه عالاعتماد فقط ولن تعتمد سوى صباح الاربعاء لظروف لا يعلمها سوى المحافظ والعاملين بموقع التوجيه وهما إلى أعلنوا أنها الأربع بس امتى محددوش ممكن الصبح ممكن الساعة 1 ليلا يعنى الثلاثاء بالليل وتعلن بالمدارس الاربع
وان بعتذر تانى لكل واحد فيكم لان ردود كتير اتهمتنى باننا معرفش شئ وبلعب بالاعصاب ودا جزائ علشان اول ما بعرف اى تاخير بقول علشان ما اتركش الناس كدا سهرانه طول الليل عالفاضى انا بحاول اوصل الجديد اول باول علشان اطمن الناس
لكن اوعدكم جميعا ان دا اخر كلام هيكون ليا فى الموضوع دا وحتى لو عرفت حاجه بلاش اقولها لانى بقيت شخص مقرف ومش مرغوب فيه علشان بطمن الناس ومش بخليهم يسهروا الليل عالفاضى
وبكرر اسفى والسلام عليكم ورحمة الله تمنياتى للجميع بالتوفيق والنجاح الباهر