استودعكم الله(محمد مدكور)..

[Not Allowed]

السلام عليكم

بجد ياجماعة انا مش عارف اقولكم أية
انا نفسى أقول كلام كتيير أوى بس

(رحم الله امرئ عرف قدر نفسه)

وبجد الأسباب دى مش كفاية أنى أسبكم لأنها أسباب ظاهرية أما الأسباب الخفية لا يعلمها الا الله وبعض الاعضاء
ومش هقدر أقولها علشان لو قولتها هتزعلوا منى

وكمان يا أستاذ محمد متقلقش أنا موجود لحد يوم مستوى الرفيع بأذن الله وهحضر الغرف الصوتية

ودى مش تخاريف ثانوية عامة دة أنا بقالى 4سنين فيها
يعنى متعود عليها

وبالنسبة لفترتى الدراسية دة برضوا مش سبب وانا عارف ان معظمكم هنا كليات بس أنا بقالى سنتين فى الموقع
علشان حاجتين بس

الدراسة (المدرسين)

السبب الثانى أنتم يا أحسن وافضل أخوات

بالنسبة للدراسة خلاص هانت
بالنسبة ليكم أنا عمرى مهنساكم
بس فية فى المنتدى أفضل منى ب200000000 مرة
وكلها يوم والموضوع دة يتدفن فى التراب

بالنسبة للقسم الرياضى

بصوا للقسم الرياضى أو غيرة
المنتدى فية حجات كتيير عايزة تتغير بس أنا لقيت القسم دة الى كان صعب السيطرة عليه علشان كدة طلبت الاشراف عليه واهو الحمد لله بقى زى الفل
وظبتة مش علشان انا أكمل فية لا علشان المشرف الى بعدى يستلمة وهو مستريح ومفيش مشاكل وزى مقولتلكم أنا أة خبرة فى الأدارة والأشراف وناس كتير عارفة الكلام دة بس برضوا فية ناس أفضل منى بكتير وهيقدروا عليها بس أهم حاجة أبعدوا عن تعينات الكوسة بالله عليكم دة فية ناس يامة هنا مكنتش تعرف تحذف موضوع أزاى ومع ذلك رتبتها فى المنتدى جامدة

المهم علشان مغيرش الموضوع
أنا قولت لمحمود يعمل الموضوع دة مش علشان تقولولى متمشيش والكلام دة لا أنا عارف أنكم بتحبونى ومش محتاج كلام أنا بس عملتة علشان مبحبش أسيب مكان
قعدت فية ولو حتة يوم ويكون حد زعلان منى فى حاجة
مع أنى مبعرفش أزعل حد بس حتة لو زعلت حد فـ دى عمرى مهيكون بقصد


ايووة بقى انا بطول كتير لية
المهم
ياريت تستحملونى الكام يوم دول ومتقلقوش أنا مش هنساكم بأذن الله اول متطلع النتيجة هعزمكم على فسحة حلوة هنا فى الأسكندرية

السلام عليكم
يا أحلى أعضاء وأعز أخوات شوفتهم طول الفترة الى قضيتها على النت بس ياريت أنتم متنسونيش