معاً ضد الغش .. دعوة جادة لإصلاح التعليم

[Observer]

المشاركة الأصلية كتبت بواسطة monas_2007

انا معكم
موضوع جميل كنت اتمنى ان ارى مدرسا واحداً ضد ظاهرة الغش
وابشر حضرتك بأننى منعت الغش في امتحانات الدبلوم هذا العام
ولكن ذلك لم يعجب الأخوة الزملاء الملاحظين معي للأسف
ولا تتصوروا مقدار النقد الذي وجه لي منهم
الأغرب من ذلك انني بفضل الله وحده واخلاص النبة له نلت احترام الطلبة نفسهم
شعرت بذلك الاحترام بعد نهاية الامتحانات
وذلك كل نتيجة لاخلاص العمل لله وحده واتقائه عزوجل

سيبك منهم دول أعداء النجاح

دول من جواهم غيرانين منك ونفسهم يبقوا زيك بس مش عارفين

والله زى مابقولك بالظبط ، لأنهم عاملين زى المدمن اللى مش قادر يبطل الإدمان

أو المدخن اللى بيحسد غير المدخن على النعمة اللى هو فيها

عمرك شفت مدمن بينصح اللى حواليه بالإبتعاد عن الإدمان أو المخدرات ؟

بالعكس دة تلاقيه أول ما يشوف واحد يقعد يغرى فيه ويديله سيجارة فى اتنين لحد ما يبقى زيه

والمدرس اللى بيغشش مش قادر يبطل الغش عشان خايف من الطلبة وأولياء الأمور وزمايله اللى زيه

وخايف لحد يقوله " منتا كنت بتغشش وزى الفل جرالك إيه فجأة بقيت شيخ " ؟!

هو دة اللى بيحصل يا مستر جواهم نفسهم يبقوا زيك بس خايفين من النقد الخارجى

بارك الله فيك وثبتك على مبدأك وأخلاقك الكريمة

شكراً ...