شروط شغل وظيفة وكيل ومدير مدرسة

جمال سراج · #2 07-07-2009, 10:57 AM

السلام عليكم ورحمة الله وبركاته أستاذنا وأخونا الغالى
الأستاذ/ محمد الفخرانى
فخر بوابة الثانوية العامة والمنتديات التعليمية والتربية والتعليم كلها
طبعا لا كلام بعد كلام حضرتك
الخبر كامل ومنسق ونفهمه
بس ملاحظة ياريت رد عليها من حضرتك
خبرة سنة أو 4 سنوات نفهمها - انما بوظيفة معلم أول (أ) دى نجيبها منين مثلا وهو المسمى دا جديد أصلا لسه اللى واخده معداش عليه سنة زى ما سيادتك عارف لانه ارتبط باجتياز المرحلة التانية من الكادر واللى كانت اول امتحاناتها فى اغسطس 2008
ايه المقصود بالنقطة دى
معنى كدا على حد فهمى ان هناك وظيفة مناظرة مقصودة زى مدرس اول اعدادى او مدرس ثانوى - دا الاحتمال الاول
والاحتمال الثانى انه ينتظر الناس سنة بالنسبة للمعلم اول أ الرغب بوظيفة وكيل بعد الكادر وعليه الانتظار 4 سنوات للتقدم لوظيفة مدير
وطبعا فى احتمال ثالث انى اكون فهمت غلط !!!!!!!!!!!!!
انا متاكد ان شاء الله ان حضرتك بالتاكيد هتفيدنا فى الموضوع ده لان الاخبار كتير وفيه ناس وانا منهم مش فاهمة طريقة التنفيذ
ربنا يبارك لنا فى حضرتكويمتعك بالصحة ويبارك لك فى اهلك واولادك
ودمت لنا بكل خير
الى حضرتك خالص تقديرى واحترامى
وايضا تقديرى واحترامى للجميع