أباء وأبناء ؟!!(معقول)

[**تسابيح**]

المشهد الأول
الابن: أنا قلتلك هخرج يعني هخرج .. أنت فاكرني همشي ع مزاجك
الأب: ياابني .. انا خايف عليك انا أبوك .. خايف عليك من الشلة البايظة اللي انت ماشيي معاها
الابن(بصوت مرتفع): بقلك ايه .. متقلش ع اصحابي بايظين دول أحسن منك ...مش راجل زيك قاعد في البيت طول النهار ياراجل روح بعيد بقي
وفتح الباب وخرج
(كأن الراجل دي مش ابوه .. وكأن واحد جيبينوا من الشارع)
المشهد الثاني
الأم: حبيبي ... قوم ذاكر
الابن: طب والله بدل قولتي الكلمة دي أنا مش مذاكر..
الأم: روح قلبي .. أنت في ثانوية عامة .. تحديد مصير ..
الابن: يخرب بيت الثانوية واللي اختراعها
الأم: طب روح هتلي طلبات من بره.
الابن:: بقلك ايه أنت فاضيه مش لقيه حاجة تعمليها..
الأم: حسبي الله ونعم الوكيل فيك...وأنت ع طول كاسر نفسي كدا
روح يارب ما تربح لا دنيا ولا اخره
(لاحول ولا قوة الا بالله)
المشهد الثالث
ابن واقف في الكعبة ...يارب أنا مليش غيرك .. يارب انتقم من ابني ..
انا جيلك مخصوص يارب ,, عشان مليش غيرك ...
ابني اللي صرفت عليه دم قلبي ضربي .. يارب انا مليش غيرك
(بصراحة..موقف يحزن)
عقوق الوالدين
لو قاعدنا من هنا لبكرة الصبح او لسنة لأدام نقول
في حكاوي عن المناظر دي مش هنخلص أكيد
دي كانت مجرد حكاوي بسيطة من جزء بسيط
بيحصل في أرض الواقع
عقوق للأب والأم مع انهم بحبونا ومع ذلك فيه ناس بتعلي صوتها
ناس مش بتحترمه ..
وبتوصل ان فيه أولاد بيضربوا اهلم
شفتوا البشاعه
هو احنا مفروض نحترم اهلنا حتي لو اهنونا ..:؟؟

ناس::ازاي.. يعملوا كدا ازاي يعني .. انا دلوقتي مش عيل صغير
أنا راجل .. وانا كمان انسه محترمه الكل بيحترمني ازاي يهنوني
أولا:اللي خالك راجل
هو ابوكم وامك .. واللي حافظوا عليك وأنت صغير
هو أبوك وأمك
واللي خلوكي انسه محترمة وبتتقدري هو ابوكي وأمك
كل دا ولسه بتعقوهم ...
ممكن تكون ناس بتسبب المتاعب لأهلها وتشتمهم وتهنهم
وهم مش حاسسين
لما يطلبوا حاجة
والله كلمة*حاضر *دي مش هتأثر فيه لو قلتها
لو حتي سمعت كلمهم برده مش هيحصل حاجة
دا ربنا يقول
{ وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . } {الإسراء/23-25}
ربنا بيقول أقل حاجة كلمة أوف مفروض مش يسمعوها
مابالك بقي الناس اللي بتعمل حاجات اكثر من كدا....
فيه ناس كثير فاكرة ان اهلهم بيكرهوهم..
لكن لو فكروا شوية في حاجات هيلقوا انهم بيحبهم اكثر من نفسهم...
مين اللي بيقعد يشتغل طول الليل والنهار عشان الهانم (البنت )والبيه (الابن )
يعيش في مستوي مش أقل من اصحابه .. وعشان ينفذ لهم كل حاجة
مش (الأب ) برده
مين اللي استحملت في بطنها وكنت بتقسمها الأكل والشرب(شخصيه رخمه بمعني أصح) ومع ذلك كانت بتضحك وسعيده بوجودك
الأم
حاجات كثيرة أوووووووووي
مش نقدر نقولها لازم نحسها....
أنا بحب بابا وماما جداااااااااااا
ربنا يخليهم لي يارب
وقدر اردلهم جزء من أفضلهم عليه
في أمان الله