شهيدة الحجاب هل كانت إمرأة ((( غجرية ))))!!!!!!!!!!!!!!!!!!!

[جمال سراج]

المشاركة الأصلية كتبت بواسطة aboabo29

باراك الله فيك يا أخي العزيز...كل ما نريده ترتيب الافكار و المواضيع....

وهنا مكان الكادر و امتحاناته و ليس السياسه او ما شابه...و ياريت كل واحد ينظم افكاره ويختار المكان المناسب لموضوعه اللي نقله من منتدي ثاني...و الا سوف يصبح هذا الباب باب الكادر سمك لبن تمر هندي

اسمحلى الاول بس كدا لو تقبل نصيحتى عشان ننظم افكارنا احنا كمان ياريت تختار اسم دخول مناسب - ايه ابو ابو دى
مع احترامى - هى الاسامى خلصت - متزعلش منى!!!!!!!!!! دى منسبة تنظيم الافكار - ياريت تفكر فى المر مش اكتر!!!

الامر التانى انا رديت عليه وهو ان القسم دا يدخلة الغالبية العظمى من الزميلات والزملاء الافاضل ولهم مشاركات ومواضيع غاية فى الشياكة ومش هنا بس بل وفى اقسام عديدة
واعيد بردو الكلام - اين انت من الناس اللى ردت قبل منك
اقصد اين مواضيعك وردودك - كم شخص استفاد منها!!!! متزعلش منى!!!
الناس متكلمتش - اشمعنا حضرتك والاخ اللى بترد عليه - انتو عاملين دويتو ولا حضرتك هو هو الشخص التانى
متزعلش منى!!!!
ما هو اصل هنا فيه ناس كدا بتستهبل وبتدخل باكتر من اسم ترد على نفسها منظرة يعنى ومفكرين محدش يعرف
لو تحب تعرف زى مين ممكن ابقلى اقولك
ماهو اصلا ممكن تتعرف الحكاية دى عن طريق الادارة - بس احنا نعرفها كدا من عندا ربنا من طريقة الرد
وانا متاسف مش انا بس اللى بعرف - لا اقصد الناس كلها بتعرف

* بعد كدا انا شخصيا بصفتى مشرفا مش اكتر - هو صحيح انا مش مشرف بقسم الكادر لكن تقدر تعتبرنى مشرف فى اقسام كتيرة بطريقة غير رسمية كونى متواجد بصورة كبيرة
المهم انا ملاحظ ان سعادتك بترد على مس هدى بطريقة استفزازية لا نقبلها لا انا ولا الناس كلها - متزعلش منى!!!!
فيه حد يقول على زميلة بتريقة اعتقد ان خفة الدم دى موجهة ضد المراقبين وادى مخالفة لسوء التنظيم وانه مش بمكانه
وكمان الموضوع منقول من منتدى اخر
وحضرتك ايه دخلك اذا كان الموضوع منقول ولا لا مع احترامى
ما فيه كل يوم 50 موضوع بيتكرر - اشمعنا دا - متزعلش منى
وحتى لو متكرر - الموضوع بكل صراحة رائع رائع رائع ويمس شخصيات المصريين بالخارج وآدمية المصريين واحترامهم وتباينت الردود وتفرعت وكل اضاف له ورود جميلة اضفت عليه بهاءا وجمالا لو المشاركات اللى زى مشاركة حضرتك والشخص اللى بيرد عليك واللى بترد عليه

ياريت ناخد من الموضوع اللى يفيدنا طالما انه لا يتنافى مع آداب الحديث او لا يجرح آخرين وبلاش نكون سطحيين فى النظر للمواضيع او ندور على بروباجندا من خلال المشاركة وخلاص
ممكن منردش لو مش عاوزين بس بلاش فزلكة او نخلى بالنا من الناس لانى ملاحظ ان ردودك على مس هدى فيها شوية أخدان بال - اقصد واخد بالك من مواضيعها - متزعلش منى - اصل فيه ناس اصلا بتستهبل - طبعا لا اقصدك او غيرك - كلامى عموم وليس خصوص - فيه ناس مفكرة ان محدش واخد باله

اخيرا - ان شاء الله المنتدى دا محترم وناسه شياكة والادارة والمشرفين شايفين شغلهم تمام بمساعدة ناس كفاءات ومخلصة
وانا عن نفسى انا مشاركة مخالفة ساسعى لحذفها كما سعيت وتم حذف مشاركات ومواضيع عديدة مش هنا فى قسم الكادر بس - لا فى اقسام اخرى ايضا
فى النهاية متزعلش منى!!!!!!!!!!!!!!!!!!
فى حكمة بتقول صراحتى لم تترك لى صديقا
لكن غرضى هو صالح كل الزملاء والزميلات وردى دا كان ممكن يكون لصالحك اذا حدثت لك اهانة زى ما حضرتك تسببت فى اهانه لاختنا الفاضلة ابلة هدى
وقد سبق لو حضرتك متابع من مدة ان رديت وكونى مشرف زى ما قلت على اهانات وجهت لاشخاص زملاء آخرين
تحياتى للجميع