اقتراح بسيط.... !!!

جمال سراج · #1 12-07-2009, 10:53 AM

السلام عليكم ورحمة الله وبركاته
فى البداية أريد أن أتقدم بخالص شكرى وتقديرى واحترامى لكل ولادنا وبناتنا هنا فى قسم المطبخ - وأيضا لأخواتنا أصحاب الفضل هنا فى تقديم الروائع وشياكة المواضيع
بجد مواضيعكوا جنان وأكثر من ممتازة
الجميع هنا يتسابق للخير ويقدم أحلى وأشهى ما عنده
وعزوماتكوا زادت خالص - لاحظوا الميزانية بتاعتى باظت من ساعة ما دخلت عندكوا القسم دا
انتوا السبب
ههههههههههههههههههه
كل يوم جديد وجديد وحاجات حلوة - حلمكوا علينا شوية!!!!
اقتراحى بقا هو تقليل عدد الموضوعات شوية - مس ايمان وتوتا والمشتاقة لمصر وغيرهم هنا شعلة نشاط
بنلاقى لكل واحدة منهم سعات اكتر من 5 مواضيع فى وقت واحد
مع قلة الردود احيانا ربما لان مش كتير زيى كدا بيهتم بالقسم هنا !!! رغم شياكته - ولا يهمكوا هاعملكوا دعاية!!!
تيجى نفتح محلات
يالله يا توته
هاسميها محلات توتا وايمان
لان بصراحة شكلكوا نشطاء قوى
ياريت نقلل عدد المواضيع وننتظر الردود وندى فرصة للناس تجرب وتعمل الجديد بتاعكوا
يعنى مش كل يوم هنعمل الاصناف دى كلها!!!
ولا ايه رايكوا
دا اقتراحى - ان شالله يعجبكوا وميكنش فيه اى تطاول او تدخل منى فى شغلكوا
اليكم خالص احترامى

يالله استاذن عشان انا جعت - عمال اشم عندكوا كيكات ومحشيات وحلويات ومقليات ومشويات!!!!
ولسه
يالله سلام