انت قلبك قاسي !!

[JusT DreaM]

السلام عليكم ورحمة الله وبركاته
ازيكو ياجماعة ... عاملين ايه ؟؟
هدخل ف الموضوع ع طول
*رسالة هيام بتاعت المواضيع الدينية اكيد وصلت لمعظمنا ... كام واحد فتح اللينكات وتابع معاها ؟؟
انا بتكلم عن نفسي طبعا قبلكم
بس انتي بردو تعقدي ياهيام ... تحطي موضوع متجدد مكتوب منه ميه وخمسين صفحة وعايزانا نتابع من الاول .... بهزر والله
*دوك دايموند عاملة موضوع حاطه فيه الاربعين النووية ف الاول قالتلنا نتابع معاها انا عن نفسي وصلت للحديث الرابع ونسيييييييت واكيد في كتير زيي كده
*كنت بقرا كتاب اسمه بأي قلب نلقاه – كتاب ديني – اخدته من بنت خالي من باب المجاملة وبقاله اكتر من اسبوع مرمي ع السرير مبصتلوش ... شرحه اخدت منها اسطوانات مفكرتش حتى اجربها شغالة ولا لاء ... خير ... خير !!
نرجع للكتاب
ف لحظة ملل بعد مازهقت من الزهق واستنفذت وشائل الترفيه الي بتلهي عن ذكر ربنا وقعت عنيا ع الكتاب
قلبت فيه من غير قراية لغاية ماشدني جزء اسمه القلب القاسي
قريت من بابشغل ادينا بنتسلى حته فيه وهي
وصف القلب القا سي
بيتقول
*وتأمل قول الله المعجز "واحاطت به خطيئته" اي استولت عليه وشغلته عن جميع احواله حتى صار محاطا بها لاينفذ اليه من حوله شئ
- وذلك ان من اذنب ذنب ولم يقلع عنه جره ذلك الى مثله والانهماك فيه وارتكاب ماهو اكبر منه حتى تستولي عليه الذنوب وتأخذ بمجامع قلبه فيتحول طبعه مائلا الى المعاصي مستحسنا اياها معتقدا ان لا لذه له سواها .... مبغضا لمن يحول بينه وبينها مكذبا لمن ينصحه بالبعد عنها
- فتصبح ذنوبه كالخيمة تحجب عنه كل شئ نظر الله اليه ونعيم الجنه المنتظر وكيد ابليس المتحفز وخوف الملائكة المشفقين


طبعا وانتو بتقروا اللي فات ده كل واحد هيعمل زيي ويبوس ايده وش وضهر
انا مش قاسي القلب الحمد لله
اانا مش بعمل معاصي وكل دماغنا ف الذنوب الكبيرة
طيب ربنا معانا ....

هجيبلكم حته تانية من الكتاب
(معلش طولت عليكم استحملوني )
اختصرتلكم علامات قسوة القلب
هما سبعه بس انا مش قريت غير واحده وجبتهالكم
ـــــ تعطل الحواس ـــــــ
لا ارى لااسمع ولا اتكلم

اولا السمع
*وهو مايلخصه اهل الكتاب لنبينا عندما قالو "وأسْمِع غير مُسمَع" ـــ اي اسمع غير مسموع منك فآذاننا معك وقلوبنا مع غيرك
- فقاسي القلب لا يسمع واذا سمع لاينصت واذا انصت لا يعي واذا وعى لا يدرك واذا ادرك لا يعمل واذا عمل اتبع عمله برياء ف عمله مردود عليه وعاقبته ضلال وحسرة ..... احم (مبالغ فيها من رأيي )

البصر عشان مطولش عليكم تقريا المجمل اننا مش بندرك اللي بنقراه

اجبلكم اخر جملة ف الكلام وكفاية كده

*قاسي القلب غافل عن الغاية اتي خلق الله لاجلها لسانه فلا ذكر ولا دعاء ولا بناء بل غيبه وفحش وخشن قول واعتتداء والقساوة القلبية ستؤدي الى قساوة الفظ ولا بد

كفاية كده تعبت تقريبا
الموضوع ده اجة كده ضميري صحي بيها شوية
ياريت انتو كمان
الموضوع ده لو اتنقل لحي ع الفلاح
مش هيشوفه غير اللي مش قساه القلوب اللي بيسعو لمواضيع الدينيه
وهو موضوع عام اكتر من ديني لانه بيخاطب ضمايرنا
لو لقيت في تفاعل هنزل باقي علامات قسوة القلب
بس كده مستنياكو
سلااام