اقتباس:
المشاركة الأصلية كتبت بواسطة haisoam
اذا كنت جايب فوق ال 80% هتدخل كلية الأداب
غير كدة ما ينفعش إنك تدخل الكلية.
قسم صحافة واعلام بيتكلم عن
مواد الصحافة دي احنا بندرسها من سنة اولي وتانية لأنها هي الاساس,بعد كدة بييجي التخصص في سنة تالتة
سواء بقي صحافه بس كقسم خاص,او علاقات عامة او اذاعه وتليفزيون حسب التقديرات طبعا يعني اعلي قسم هو الاذاعه عندنا واقلها تقديرا هي الصحافة (عكس بتوع كلية اعلام!!)
والصحافة نفسها جواها اقسام بعد كدة..
بالنسبة للمواد فهي شبيهة لمواد اعلام وفي كتب عندنا بتاعة دكاترة من كلية الاعلام..
التدريب ده مش لاي حد يعني اللي بيشترك في اعداد حفلة friday show عندنا او بيكتب في مجلة القسم بياخد التدريب ده تبع الكلية في اي جريدة بقي الكلية مختاراها(انا جالي في اولي بس ماروحتش فمش عارفة ايه نظامه بالظبط)
الكتب بقي بتتباع في مكتبات برة الجامعه وفي كتب جوة الجامعه علي حسب بس الغالبية بتتباع برة
في كتب مفيدة اوي وحلوة اوي كقراءة بس الغالبية اننا بنعتمد علي المحاضرات والكتب برده في مذاكرتنا
وساعات علي الكتب بس!لان اغلب الكتب بشوف اسلوبها حلو وسهل ان الواحد يذاكر منها
ومابيبقاش كل الكتاب مقرر مع انها بتبقي صغننة خالص!
لو في حاجة تانية عايزة تعرفيها قولي 
بالنسبة للدكاترة فمعظمهم من اعلام القاهرة وكل دكتور ليه كتابه....
اعلام القاهرة نفس الكلام كل دكتور ليه كتابه...
انما المواد هى هى لكن هما مش بياخدو ترجمة فى أولى زينا
والتخصص فى اعلام القاهرة من سنة تانية
بالنسبة للكتب فانت ممكن تشتريها عادى وهتستفاد منها
بالنسبة لينا التدريبات العملية بتدعم لنا الفهم خصوصا فى اذاعة وتليفزيون ودعايا واعلان لكن ممكن قراية الكتاب تكفيك لفهم القواعد الأساسية خصوصا للصحافة وكل منهج بيبقى عليه أمثلة توضيحية...
الكتب بتبقى من مكتبة الكلية وبعض الكتب من مكتبة اسمها الأوائل قريبة من محطة المترو...
حضرتك قولنوع الكتب اللى انت عايزها وأقلك مكانها...
بس بالنسبة للصحافة فمتوفرة أظن كلها فى مكتبة الكلية بس ده بردو بيعتمد على الدكتور فى كل سنة طبع عند أى مكتبة..
.
ويترد على اذهاننا سؤال
اية الفرق بين اداب اعلام وكلية الاعلام
نحن ندرس مواد قريبة ولن نبالغ إذا قلنا - نفسها - ولكن بطبيعة الحال فإن المناهج تختلف من كلية إلى آخرى وكذلك بالنسبة للدكتور وتأليفه للكتاب حيث أن أغلب السادة مؤلفي الكتب متخرجين من كلية الإعلام
طريقة التدريب تكون بطريقتين: الأولى: عن طريق السكشن
الثانية: عن طريق التدريب الصيفي للطلبة المتميزين
وهناك طرق أخرى ذاتية وإختيارية .. كمجلة القسم - حفلة القسم - التعلم الذاتي وإكتساب الخبرة من خلال الشركات والمؤسسات الإعلامية الأخرى المختلفة عن طريق إصدار تصريح من القسم يرشح الطالب ويتيح له إمكانية التدرب في إحدى تلك المؤسسات ومانحوها
بعض الكتب تباع داخل الكلية والبعض الآخر خارجها
بعض الكتب تكون مقررة ومكررة على فئات وأقسام معينة لإحتياجهم لها أو لتنمية مهارة وإلمام وقدرات الطالب بها فيما يتعلق بإختصاصه ودراسته .. وهكذا
وأقرب مثال طلاب قسم الإعلام يدرسون (السياسة - الإقتصاد - اللغة العربية - تشريعات قانونية إعلامية وغير ذلك) يمكنك قياس هذا المثال على بقية الكليات والأقسام التي قد يُدرس بها بعض المواد الخارجية المكررة المتعلقة بتخصص الطالب ودراسته .. وهكذا
______________________________
|
انا اسف لتعبك معايا بس ممكن سؤال تانى
؟
عايز اعرف قوانين قسم الاعلام
يعنى لو مثلا جت اداب ازى اقدر ادخل اعلام
مجموع اللغات يعنى وكده ؟
وشكرا مرة تانيه
22-07-2009, 09:19 AM
العرض الشجري
