السلام عليكم ورحمة الله وبركاته
ازيكم ياشباب
وايه اخباركم
يارب تكونوا بخير وبأفضل حال
عاملين ايه فى الاجازه يارب يكون كله تمام
خلصنا كده كل التحية والسلام اللى موجود فى الدنيا كلها
خلونا فى المهم
الموضوع باختصار خالص انى حسيت ان فات كتير اوى ومن غير مااحس
بمعنى ايه يعنى وعرفتى ازاى وازاى ماحستيش ؟؟؟
يعنى حسيت ان عمرنا بيجرى فى ثوانى من غير مانحس بيه
ايام عايشينها ومش عارفين بتعدى ازاى بالسرعة دى بيضيع الوقت من ايدينا والله مااحنا حاسين
طيب ايه اللى فكرك بالموضوع دا دلوقتى ما احنا عارفين مااحنا لسه داخلين مابقلنااش87 شهور وامتحنا ترمين والنتيجه ظهرت بردو نتيجه ترمين كل داحصل فى مده ماحسناش بيها اصلا
لالالا المسأله مش شهر ولااتنين
المشكلة اكبر من كده بكتير
بصوا انا كنت بمتحن فيزياء فى علوم(احم احم....... ربنا مايوريكوا علوم المنصووره ولاصيدله حتى........ماعلينا) وماسكه الاله الحاسبه فى ايدى افتكرت ان الاله دى عندى
من اولى ثانوى وفاكره يوم ماجبتها
يااااااااااااااه اولى ثانوى اربع سنين كتير اوى
يعنى المفروض ابقى حسيت باربع سنين عدوا عليا
فكرت تانى كده ياااااااااااااااااه دا كانهم كانوا امبارح ولا حسيت بأى حاجه
طيب ماشى احنا فى اخر الزمان يعنى معدش ادامنا كتير فى الدنيا دى السنه بتعدى زى الشهر
خليكوا معايا كده
ارجعوا لورا ارجعوا لشهر لسنه ورا صدقونى مش هتاخد كتير منك
دا هتحس انهم امبارح
كل الكلام ده مضبوط وتمام فعلا العمر زى النسمة بيجرى فى ثوانى
هتفتكر كل حاجه عملتها
اوكى معايا كده
قولى عملت ايه علشان تغير حياتك للاحسن فى السنه دى
المحصله .....................
بصراحة لاشىء بس ناوى ويارب وفقنى أنى أعمل
حسيت انها عدت سنه ولاعدت اسرع من كده
.............................
سنة ايه دى عدت كأنها يوم
لحظات حسيت انك فيها انسان بجد تستاهل العيشه اللى انت عايشها
تستاهل ربنا يكرمك
أنا حاسس أن ربنا أصلا دايما بيكرمنى وبيهدينى وبيسهل ليا
ربنا بيحبنا ولازم ننفذ اللى بيطلبه مننا
افتكر كده
عملت ايه علشان حياتك فى المستقبل
يعنى لسه بخطط
ماعلينا من دى
عملت ايه لاخرتك
الحمد لله لحد كده مع أن فيه أفضل بس ان شاء الله أعمل الأفضل
طيب ماعملتش لاخرتك
اكتسبت حب ناس ليك اكيد كلنا عملنا دى
دى مش أقدر أفتى فيها لايمكن لانسان أن يدرى هل الناس يحبونه أم لا
بس حب الناس دا هيقربنا من ربنا
أكيد هيقربنا من ربنا
يعنى حبينا بعض فى الله ولا بردو مصالح وغيره وغيره
الحمد لله عمرى ماحبيت حد حب مصالح وكده بس ياريت الناس همااللى مش يعملوا كده
خلاص سيبنا من جزء الدين دا
خلونا فى قناعتنا بتصرفاتنا
افعالك كلها راضى عنها فى حق نفسك قبل الناس وربنا
راضى عن معظمها ولكن جزء منها غير راضى عنها
ماشى اللى عملته تقدر تعترف بيه وتقول انا اللى عملت كده
كان عندك الشجاعه الكافيه انك تقول انا غلطان
أه عندى الشجاعة الكافية أنى أعمل ده بس مين يقدر ده
انا فكرت ان لو كل اربع سنين هيعدوا علينا زى ما انا افتكرتهم بالسرعه دى مع انى للاسف بعرف احكم على تصرفااتى فى ساعتها واعرف الغلط من الصح كويس وحسيت انهم عدوا بسرعه
يبقى عمرنا كله هيفوت للاسف من غير مانعمل حاجه
قولولى حسيتوا الاحساس دا
ولا لله الحمد الناس كلها راضيه عن نفسها حتى ولو هى ماعملتش حاجه ماللى قلنا عليها
يعنى لارضت ربنا ولاغيرت نفسها ولاغيرت حاجه من اللى حواليها ولاحولت تسعد الناس اللى حواليها
حولت كتير بس اللى حوليا هما اللى بيحزنونى
اخر شويه اسئلة وعارفة انى طولت
عندك كام سنه ؟؟؟؟؟؟؟؟
17 سنة
كام سنه حسيت انك عشتهم؟؟؟؟؟
6 سنيتن بتوع الطفولة والبراءة والخير والحب
غيرت حاجه كانت وحشه فى حياتك ؟؟؟؟؟؟؟
أه عملت كده بس عشان واحد وفى الأخر طلع أى كلام بس الحمد لله أنى غيرت الحاجة دى
علاقتك بالناس كام فى الميه؟؟؟؟؟؟؟؟
جوايا 100 فى المية بالنسبة ليهم مش عارف
نفسك تتغير؟؟؟؟؟؟؟؟
طبعا نفسى
هتغير ايه؟؟؟؟؟؟؟؟؟؟
هغير كل حاجة وحشة
ياترى هتسيب اللى جاى يبقى زى اللى راح؟؟؟؟؟؟؟؟؟؟؟؟
لا نفسى مش يكون زيه
تقبلوا منى وافر التحيه
26-07-2009, 05:21 PM
العرض الشجري
