طلب او رجاء بمناسبة الشهر الكريم

[dr.zomba]

السلام عليكم ورحمة الله وبركاته

طبعا المنتدي منور جدا جدا منغيري

بس بجد والله فعلا مش كلام الكتابه في المنتدي دا وحشتني انا بقالي دلوقتي حوالي شهرين مكتبتش حرف

بس بتابع المنتدي يمكن يوميا يعني برضو وراكو وراكو

ويارب كل الاعضاء الموجودين او اللي مش موجودين يكونوا بخير

ورمضان كريم علي الجميع وربنا ان شاء الله يكرم كل الناس في رمضان دا ويبلغنا جميعا رمضان

وبمناسبة الشهر الكريم دا

انا عايز من كل الناس اللي زعلانين سواء كنت انا زعلتهم بقصد او بدون قصد او لو انا غلطان او هما الغلطانين ياريت يسامحوني

وانا من ناحيتي مسامح اي حد

والدنيا متستاهلش اننا نزعل من بعض عشانها

لو السادات بيدخل مثلا ياريت يسامحني وانا كمان سامحته

لو البري او اي حد من الناس القديييييييييييييمه اوي دي بيدخل ياريت يسامحني وانا عن نفسي ربنا يعلم اني سامحت اي حد غلط فيا

طبعا انا ذكرت اسماء الناس اللي كانت مشاكلي معاهم كبيره شويه بس مش معني كدا اني بخصهم بس بالطلب دا ياريت اي حد ايا كان وحتي لو عضو لسه مشاركاته 1 وغلط فيه وفكر يدخل المنتدي تاني يسامحني

وكل عام وانتم بخير ويارب رمضان دا ربنا يقلنا جميعا ونكون كلنا من المعتوقين من النار في الشهر الكريم دا

وسلامو عليكو