مستشارة اللغه الفرنسيه

[بهاء هاشم]

المشاركة الأصلية كتبت بواسطة تامر الرفاعى

انا حاسس بكبرياء عالى جدا من الاستاذ بهاء وياريت حضرته يعرف ان الحمد الله احنا مش محتاجين المستشاره علشان تشرحلنا او تفهمنا والمقصود بفض الخلاف حضرتك: هو ان فى بعض المواضيع الغير واضحه داخل الكتاب وده راجع لان الكتاب لم يتغير منذ عام 1989 ومن اهم الاختلافات هو سؤال ابواب الجرايد واللى كلتا كمدرسين بنقف قدام بعض محتارين يا ترى الجمله دى باب مجتمع ولا بيئه او جمل اخرى بنقول دى باب احداث متنوعه ولا مجتمع ولا فن ولا وفيات وهل اصلا باب الوفيات موجود فى الكتاب ولا لا وكل مدرس بيحاول يجتهد ويقول اجابه....فيكون الفيصل هنا راى المستشاره لانها هى من تضع نموذج الاجابه....وقصدى بكونها طيبه اى انها ان شاء الله لن ترفض ....

mort du yossef chahine(décès-société-nécrologie)


la population égyptienne a attaint 80 millions en 2009 et une peur de la hausse des prix des prouduits alimentaire(société-économie)

les arabes ont inventé le chiffre zéro.(sciences- société-faits divers)
l'état a annoncé la création d'un prix littéraire.( société- art et lettres)
Explosion d'une bombe à Gaza.(politique-faits divers)
La pollution cause beaucoup de maladies(santé-environnement)

وانا مش كاتب الجمل دى علشان حد يحلها انا اقدر اقنع اى حد ان كل الاجابات صح وده لان الموضوع غامض فى الكتاب وهديلك لكل اجابه الف مبرر.


نتكلم بعد كده عن البرقيه:*

مدرس يقول للطالب اكتب البرقيه majuscule ومدرس تانى يقول للطالب اكتب اول حرف بس كبير والباقى minuscule ومدرس ثالث يقول للطالب كله صلح وده بسبب غموض الموضوع فى الكتاب...واللى يشوف البرقيه اللى فى الكتاب هيشوف التناقض.
نتكلم عن القواعد:
كتير جدا من المدرسين بيصر ان الجمله الاستفهاميه لا يجوز انهائها بفعل être بس والله ده مش ضرورى لان شوفتها فى اكثر من موقع متخصص فى grammaire ناهى الجمله الاستفهاميه بفعل être
Ex; comment la classe est?
وكل الحاجات ده مش هيحسمها الا المستشاره لانها من تضع نموذج الاجابه.
وفى النهايه فى جمل كتيره يا استاذ بهاء بتعمل خلاف بين اساتذة الجامعات نفسها يعنى الجمله دى وجهتها لاثنين من اكبر اساتذة اللغة الفرنسيه فى مصر والعالم ومش هذكر اساميهم بس انجازات كل واحد منهم تعمل كتاب وكل واحد منهم جاوب بشكل مختلف على السؤال
Je suis fort….tennis(au-en)
ولو عايزين اقولكم الاف الاختلافات انا مستعد ... وانا مستنى رد الساده الزملاء....merci d'avance

هو انا نفسى افهم حاجة هو سيادتك يا استاذ تامر انت والاخ le prince لم تقرأو كلامى ولا انتم عايزين تعملوا موضوع من غير داع انا لو متكبر سيادتك مكنتش قولت فى كلامى اننا جميعا سواسية والافضل لمن يقدم خدماته للقسم ولابنائنا الطلاب سواء كان مستشار او غيره وبعدين سيادتك يا استاذ تامر مش بس المستشاره هى التى يكون معها نموذج الاجابة اى مدرس يقوم بالتصحيح فى الثانوية العامة يطلع على نموذج الاجابة وبالتالى يقوم بحسم الاجابة الصحيحة من واقع خبرته واطلاعه على نماذج الامتحانات ولدينا منهم الكثير من امثال الاستاذ اسامة الباذ والاستاذ منتصر الجميلى وغيرهم يبقى انا سعاتك مغلطش ارجوا الا نضيع الوقت فى مهاترات وكنت اتمنى من سيادتك انت والاستاذ le prince الذى اتهمنى بانى لا اصلح مشرفا للقسم بان تقدموا اعمالكم والا تغرقوا القسم بمثل هذه الموضوعات التى لا تأتى بثمارها ولا تسمن ولا تغنى من جوع
أود ان اقول لحضراتكم ان كونى مشرف للغة الفرنسية ليس بتشريف وانما هو تكليف واخذت على عاتقى ان ارعى مصالح هذا القسم و اى رد غير لائق سيقابل بحزم من قبل الادارة وأدعوا اخوانى مشرفى القسم الى حذف اى موضوع غير جاد وان نترك القسم فقط للمادة العلمية بدلا من انه ساحه للدعاية والاعلان والافكار التى لاتنتهى