ظواهر فى منتدى الثانوية

[اينشتاين]

حضرتك انا هاعلق على اربع نقاط

النقطة الاولى حكاية الشعر :

حضرتك كل انسان بيحب يعبر عن اللى جواه سواء بقصة سواء بشعر سواء بخاطرة وطبعا مش اى حد بيكتب حاجة بيقول انا احمد شوقى ولا فاروق جويدة
يعنى نقدر نقول ان اغلب الاعضاء اللى بيكتبوا هواة
فلازم نشجعهم وننمى موهبتهم


النقطة التانية المواضيع المنقولة :

انا باتفق مع حضرتك ف النقطة دى لان حاليا تقريبا نص المنتدى او اكتر مواضيع منقولة وعشان كده عمر المنتدى ما هيكون له ترتيب محترم مقارنة مع منتديات عربية ومصرية اخرى ومفيش داعى لذكر الاسماء اعضائها بتكتب مواضيعها بنفسها


النقطة التالتة حكاية الحرب :

حضرتك مفيش حرب ولا حاجة والموضوع اصلا هزار ف هزار

النقطة الرابعة حكاية المواضيع الترفيهية :

زى ما قالت تويتى جيرل ان كل شخص له ميوله وله اهتماماته وبرضه مش كل الاشخاص لهم نفس الثقافات والقناعات الفكرية

وشكرا لحضرتك