من المشرف إلى جميع طلبة القسم الكرام

[EnG.BeLaL]

السلام عليكم و رحمة الله و بركاته
كل سنة و انتوا طيبين و ايه اخبار رمضان عار فين يا جماعة عمري ما بحس براحة نفسية و هدوء بال و صفاء
قد ما بحسها في رمضان ربنا يجعل ايامنا كلها رمضان ادخل في الموضوع بقى عشان عارف اني رغيت كتير
بصوا يا جماعة انا عمري ما حبيت منتدى قد المنتدى ده انا مشترك فيه من 2 ثانوي من قيل ما يتجدد و يبقى على الشكل ده اللي انتوا شايفينه و عمري ما شفت ناس محترمين و متدينين زي اللي شوفتهم في منتدى الثانوية و من يوم ماشتركت فيه و انا نفسي اخدمه بأي طريقة لحد ما جت السنة اللي فاتت و مسكت مشرف قسم المجموعة الهندسية كان المنتدى ماشاء الله صحراء عملت حاجات محدش يتخيلها عشان ارجعه زي الاول مكنش في حد بيتردد عليه غير محمد ( banzer ) و (eng7oudash ) و احيانا الباشمهندسة سلوى لحد ما خلصت امتحانات السنة دي و ابتدت الناس تيجي على المنتدى كنت فرحان جدا بس للأسف لقيت ناس بتحسسني ان المنتدى ملوش لزمة و كتير حاولت افهمهم ان احنا لسه في اجازة بس لا حياة لمن تنادي و من كام يوم برضه جت احدى المشرفات حذفت موضوع من القسم لانه كان فيه لينك منتدى و انا كنت شايف اللينك ده و حذفته بس مرضتش اشيل الموضوع عشان ابلغ الناس اللي عملاه ان مينفعش يتحط عناوين منتديات بس زي ما يكون انا مش موجود .
بعدين لقيت اقتراح من ( جعلتني مهندسا ) لتقسيم القسم ( كهربا ومدني و عمارة و.......) قلتله يا باشمهندس مش هينفع لاننا مش كتير و اغلب اللي في القسم اعدادي بس برضه راح للإدارة و قالهم
زي مايكون انا مليش لزمة و معظم الناس عارفة ان مينفعش لان الاعداد في القسم مش كتير .
بس على العموم حصل خير بس انا هقترح عليكم اقتراح لو شايفين اني مش هنفع خلاص انا انسحب من الاشرف للي انتوا عايزينه .
و شكرا لحسن استماعكم و صبركم