دماغي هتنفجر..... هندسة قسم عمارة ولا فنون تطبيقية ولا فنون عمارة؟.....اعمل ايييييه؟

**منوش** · #1 15-09-2009, 05:34 AM

السلام عليكم

يا جماعة انا محتاجة رايكم جدا

ددلوقتي انا كنت محتارة جدا بين علمي علوم ورياضة
واخر ما توصلت اليه اني رياضة
وبدات فعلا دروس الرياضة

انا اخدتها لاني مش بفضل المجالات الطبية
وفي نفس الوقت بدات افكر اني بحب الرياضة وممتعة بالنسبة لي
دة غير اني بحب الرسم جدا وبعرف ارسم
والمجال اللي بيهتم بالاتنين
هو غالبا هندسة قسم عمارة

واي اختبار عملته لاختيار تخصص الدراسة المناسب
كان بيطلع دايما ترشيح العمل في مجالات هندسة الديكور والفنون الجميلة ومجالات تانية كتير
المهم

مهندس الديكور
بيطلع فاهم اكتر منين؟؟ شغله احسن من اي قسم؟؟
فنون تطبيقية؟ ولا هندسة قسم عمارة؟؟
ولا هندسة عمارة مفيهاش ديكور اصلا
؟
انا سمعت انه تقريبا في مادة في اخر سنة بتبقى فيها ديكور وكدة

وبعدين قرات موضوع انه هندسة قسم عمارة فيه شك في الاعتراف بيها

حاجة قلقتني مع اني قريت كل الاراء حواليها يعني
وبعدين بدات انتبه لفنون جميلة عمارة

دلوقت ايه الفرق بين ال 3؟؟ فنون تطبيقية ولا هندسة قسم عمارة ولا فنون جميلة عمارة
مين اللي بيدرس التشابه اللي بينهم دة بتعمق اكتر؟؟؟؟
انا عارفة ان كل كلية بتدرسة من ناحية
بس ايه الناحية المطلوب فيها تعمق اكتر؟؟؟؟؟
ومجال الشغل اوسع لمين؟
مفيش حاجة اسمها كله زي بعضه
يعني لو عندي وظيفة فاضية
وعندي ال3 مؤهلات
مين ليه الاولوية؟؟؟؟

دة غير اني لو فكرت في هندسة قسم عمارة.....
دراستها في مصر احسن حاجة فين؟
في عين شمس؟ تقريبا صح؟
طيب ولو هي في عين شمس ايه المطلوب عشان ادخل عين شمس؟
وسمعت انها اقليمي
مش فاهمة حاجة في الموضوع دة
يعني انا لو واحدة من المنصورة مثلا او المحلة او طنطا وعايزة ادخل عين شمس
الفرصة ادامي ازاي؟؟؟

بالله عليكم يا جماعة حد يفيدني وبلاش حد يدخل يقول لي اعتقد وسمعت ومش متاكد
ياريت اي حد يقول لي معلومة يبقى متاكد منها

وجزاكم الله خيرا