#1
|
||||
|
||||
توصيات "إبليس"
3 شباب 17سنه واحد بيصلى فى الجامعة والثانى من " منازلهم " والثالث ما بيركعهاش حبيت انصح الثانى فكرته بالحديث النبوى اللى معناه "صلاة الجماعه أفضل من صلاة الفرد 27 مرة ". حبيت انصح الثالث كلمة عن التقرب إلى الله خصوصا فى " زنقة المراجعة ""أمن يجيب المضرب إذا دعاة ويكشف السوء" .. وقلت إن الصلاه " صلة" مع خالق الكون ..وإن الخوف من الامتحان يتبخر مع السجود .. وإن .. وإن .. وبعد ماخلصت كلامن اكتشف إنه كان بيسمع لى بودن واحد. ليه؟ عايز " أدله عقليه " فكرت وفكرت وفى الاخر اشتريت كتاب هديه اسمه " الفوائد العمليه للصلوات الجماعية " خلاصة 6 معلومات علمية ...مش هو عايز لغه عقل وأرقام ؟ 1- ال 5 مواقيت بتوع الصلاه يعودوك على تقسيم اليوم ، ويدوك تنبية بحركة الزمن بدل ما يفلت منك يومك من غير أنجاز . 2- الوضوء المتكرر نظافه وصحة وفوقان . 3- الركوع والسجود بيحرك المفاصل ويدفع الدم للمخ . 4- صلاة الجماعه تعارف وتعامل ومشاركه فى الافراح والاحزان 5- الانتشار بعد الصلاه أمر إلهى معناه أنت تجرى على مذاكرتك وأنا أجرى على دكانى 6- الامام فى المسجد أحسن تدريب على الطاعة والنظام ، ومن غير طاعه ونطام تخيل حالنا يبقى ايه فى المدرسة والجيش و البيت والمستشفى . صاحبنا قرأ الكتاب مرة واثنين وثلاثه .... بدأ يصلى ...سألنى فى يوم ، أنا بصلى الفرض بس .. ينفع ؟ قلت له : وتضمن منين إن صلاتك كلها من غير سرحان و السنن بتعوض السرحان.... والخطر الأكبر فى نظام الخطوة خطوة بتاع إبليس يقولك: • الفرض ضرورة ... والنوافل كماليات ! • الجامع ليه ...؟ وعندك فى البيت مصلية ؟! • 4 فرض عسل ..إحنا كنا فين ؟! • مساعدة الغلابة والمحتاجين .. أجدع من صلاه 3سنين ! وأخرتها " أنما الاعمال بالنيات " " بياض القلب هو الأساس "... وترجع تانى كما كنت . صاحبنا استمع لى المرة دى بودانه الاثنين .. وشويه وهز راسه وقال لى : - لو رجعت كما كنت إبقى هات لى نسخه ثانية من الكتاب " الفوائد العلمية للصلوات الجماعية "
__________________
Not everything that can be counted counts, and not everything that counts can be counted |
العلامات المرجعية |
|
|