ملف كامل مفيد للطلبه الجدد الملتحقين بكليه طب المنصوره | اولى طب مقدم من مانس دوك

[dr.mystero]

لسه داخل اولى طب ..! تعالى واحنا نفيدك.؟

طبعا الحمد لله خلصت الثانويه وجبت مجموع ماشاء الله عالى ومبسوط

تمام .. مبسوط ع الاخر ..!!

المهم دلوقتى الحمد لله اتحددت وجهتك , يعنى انت معانا ان شاء الله فى طب المنصوره

انت دلوقتى داخل مش عارف هاتعمل ايه لسه , ولا قدمت ولا عملت اى حاجه

طيب نتكلم مع بعض نقطه نقطه ..

المواد الدراسيه

عندنا فــ اولى 4 مواد كالاتى:

فسيولوجى ودى ارخم ماده , ولما اقول ارخم ماده يعنى ارخم ماده بس مع المذاكره الكتير والفهم بتعدى ان شاء الله
ودى بأه من 250 درجه . وبتحتاج مجهود كبير جدا فى المذاكره يعنى ركز عليها جدا من اول محاضره.

اناتومى يعنى التشريح ودى ماده لذيذه جدا جدا من 250 درجه برده وطبعا برده بتحتاج مذاكره كتيره , بس الذيذ فيها انها جثث وشرايين واورده وعضلات وحاجات كده من اللى قلبك يحبها.

كيمياء كاده كويسه برده وسهله والتجارب بتاعتها جميله جدا للى يفهمها ومن 150 درجه بس.

هستولوجى دى بأه ماده الامتياز يعنى اللى بترفع التقدير ومفيش اسهل من كده ومن 150 درجه.

الادوات والحاجات اللى هتشتريها

احسن حاجه فى اولى انك مش بتشترى حاجات كتير, وكلها حاجات هايفه

بالطوا , ؛؛ شرف المهنه ؛؛ وده باه ممكن تشتريه من هشام ميديكال فى شارع المستشفى العام
هناك انضف حاجه و بـــ 35 جنيه بس
كشكول المحاضرات بتاعك
القلم
فى حاجات مش ضروريه اوى فى اولى زى السماعه وجهاز الضغط لكن يفضل جدا شرائهم
وممكن تشترى فى وقت زى ده حاجه رخيصه كده صينى يعنى تتعلم عليها بس.

لحد كده انا ممكن اكون خلصت الكلام اللى عندى ,,

وطبعا الموضوع مفتوح للى عاوز يعرف اى حاجه فى النظام ده , وانا متابع ان شاء الله

بالتوفيق للجميع