بحبك يا مصر .. اكرم المسيري

[أكرم المسيري]

<div align="center">بحبك يا مصر</span>

بحبك بحبك بحبك يا مصــــــر

بحبك اميرة وجوه الجزيــــرة

الاقيكي دايما عايشة ف نصر

بحبك بحبك بحبك يا مصر
**
بحبك ولو كنتي قاسية علـــينا

ولو عشنا عمر وفــقرك مالينا

ولو هنا يامه ف ساعة عليكي

ما ينفع تهوني يا امي علينا

دا حبنا ليكي دا مالو حـــصر

بحبك بحبك بحبك يا مصر
**
بحبك هاقولها ويشهد زماني

بحبك وحبك دا ليه طعم تاني

بحبك ولو عشت كلي ملل

بلاقي يا غاليه ف حبك امل

يبدل عسيري ف لحظة ليسر

بحبك بحبك بحبك يا مصر

**
بحبك تحسي ولادك بجد

دا كلنا ليكي يا غالية سند

بنضحك ونفرح ..........

وف الجد جد

يصونك الهي وتبقي لينا

املنا في بكرة ............

وفي كل عصر

بحبك بحبك بحبك يا مصر

**
وآآه يا بلدي لو أخدك ف حضني

واقولك واعيدلك ......

وليكي اغني

هيسمع غناي - هناك - البعيد

ويحس شوقي اخويا اللي مني

مش اللي بعيد وساكن ف قصر

بحبك بحبك بحبك يا مصر

**
<span style="color:#990000">" كلابك " يا امي دوول

ما بيرحموش

هما السادة وعاملينا ..

" همووووووش "

ف نظرهم احنا شوية " بتوع "

وهما ملايكة ......

وما بيغلطوووش

وما بيضريوش

وما بيسرقوش

ومهما تعبنا ومهما شقينا

ومهما ابتلينا عشانك باسر

بحبك بحبك بحبك يا مصر
**
أكرم المسيري
28/8/2006</div>