هانصلي يعني هانصلي... .يللا بينا

[د/بسمة الاسلام]

المشاركة الأصلية كتبت بواسطة هنا الفقي

بسم الله

السلام عليكم

ها ندخل ف الموضوع على طول مش كده ؟؟!!

ايون كده

بصو معايا الحديث الجميل اوي اوي اوي ده

رسولنا صلوات الله عليه وسلامه قالنا ايه

((أرأيتم لو أن نهرا بباب احدكم يغتسل فيه كل يوم خمساً ماتقول ذلك يبقى من درنه ؟ قالوا لا يبقى من درنه شيء , قال فذلك مثل الصلوات الخمس يمحو الله بها الخطايا ))رواه البخاري



يعني مجرد الحفاظ على الصلوات الخمس يمحو الله به الخطايا



يعني تخيل لو ان قدام باب بيتك نهر صغيور كده

بتخرج من بيتك خمس مرات ف اليوم

وانت خارج ف كل مرة بتعدي على النهر ده تغتسل منه تاخدلك شاور

تفتكر هايجي عليك وقت وتقول ايه ده انا حران محتاج شاور ساقع ...

طبعا لأ

دول خمس مرات

وف كل مرة بتمحي الخطايا اللي حصلت قبلها

اهه الصلاة هي النهر ده

بتمحي الذنوب فلا تبقي منها شيء



طبعا ده مش كلامي اصل حد يدخل يزعقلي ولا حاجة



ده كلام سيد المرسلين

فصلى الله على محمد

صلى الله عليه وسلم



نكمل كلامنا وقت تاني



في امان الله

جزاكم الله الف خير

ربنا يكرمك ويوفقك اللهم امين

كنت عيزة اعقب على الجزيئية دي :-
ان الوضوع خمس مرات في اليوم الواحد خير وقاية من انفلبونزا الخنازير الوباء الجديد مش كده برده ؟؟؟؟

ربنا يباركلك يا هنا ولسه مستنين الجديد