بص يا ايمن باشا اولا بالنسبه للنظريه فانا مش ظاهر عندي اللي انت رفعته للاسف فانا مش هقدر افيدك في الحته ديه لكن انا عايز اقولك علي حاجه تانيه
انت باين عليك بتحب الاختراعات ونفسك تكتشف حاجه ومعظم طلاب علمي كده لكن للاسف في مشكله انك كل متحس انك بتكتشف طريقه جديده او فكره وتقول انا بقيت عالم ياما هتلاقي في ناس اثبتت الكلام ده من زمان وده نادر انك تتوصل لقانون حد اثبته لوحدك لكن الغالبيه انك هتلاقي اللي انت اثبته ده بيكون مستنتج من نظريه انت درستها اساسا بس انت مجرد جبتها بطريقه تانيه ياما الحاجه التاله انك تطلع غلط من الاساس (وان شاء الله ميكونش كده يعني) طبعا انا مش قصدي اهبط معنوياتك بالكلام ده بالعكس ده شيئ جميل اللي انت بتعمله ومسيرك هتوصل ان شاء الله لحاجه مهمه لكن كل اللي عايز اقولهولك عشان تبقي عالم او عشان تكتشف حاجه فده مينفعش تعمله في المرحله اللي انت فيها دلوقتي خالص لازم تدرس الاول حاجات تانيه كتييييييييييير ويبقي عندك علم غزير عشان تقدر تفكر انك تكتشف حاجه لانك بعد كده هتعرف ان معظم اللي انت درسته ده كان حالات خاصه وحاجات معينه متمشيش علي كل حاجه فانا كل اللي عايز اقوله انك تحاول تمسك روح المخترع مؤقتا لغايه متدرس ما يؤهلك انك تعمل حاجه محدش عملها قبل كده
اسف لو كنت طولت عليك لكن انا حبيت اقولك الكلام ده لاني كنت زيك ومعظم علمي زي مبقولك كان زيك لكن عرفت الكلام ده في الكليه
ويارب اكون افدتك وياريت تبقي ترفع الملف تاني عشان الباشمهندسين يجاوبوا عليك او انا لو عرفت اي حاجه مش هتاخر
__________________
لا تقل يا رب عندي هم كبير ولكن قل يا هم عندي رب كبير
|
08-11-2009, 08:46 PM
العرض الشجري
