|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#10
04-12-2009, 11:40 PM
|
||||
|
||||
دا الرد اللي رديته ف الموضوع الكميل اللي اتشال
حقوله ف الاول كبدايه او تمهيد للمناقشه وان شاء الله بجد لو لقيت وقت حبقي بجد اتناقش مع حضرتك ف الموضوع دا الكلية بكرا اساسا والواحد شكله اساسا حيتمرمط اوي السنه دي  ع الاقل فعلا لو عندي معلومه غلط او فيها شك حيبقي النقاش اجمل فعلا عشان اقدر اصحهها والعكس صحيح لو عندي معلومه وحاسس انها صح احب غيري يشاركني فيها المهم حتكلم الاول بصفه عامه عن الانظمة القايمة ع الحريه الفردية او احترام قرارات الفرد بصفه عامه من اهم مميزاتها انها بتمنع ظهور مصطلح القطيع عند اونكل نيتشه او هم عند كابتن هيدجر القطيع بمعني رغبه االقطيع ف التلكم بصفه عامه او رغبته ف انه يسود بمعني اختفاء او اضمحلال الوجود الشخصي ف ظل عبارات بمعني ينبغي لك او يجب عليك بمعني برضه يصبح الفرد جزء من جماعه لا اكثر بمعني اختفاء الوجود الشخصي او الطبيعه المتفرده للانسان يصبح الانسان مجرد ترس او مجرد اله تقاد بغض النظر عن الكلام السخيف دا ندخل ف الموضوع احسن اول نقطه حنتكلم عن ظهور مصطلح العلمانية ظهرت العلمانية تقريبا ف القرن السابع عشر نتيجه الاضهطاد او تغول الكنيسه وسيطرتها بمعني ان البابا كان المتحكم الفعلي ف اوربا ف الفتره دي كانت بيمتلك القوه او القدره باسم الدين ع تغيير الملوك او اعدام علماء او مفكرين لمجرد الاختلاف معاه ف الرأي يعني تقريبا اونكل كوبرنيكوس فلكي بولندي الجدع دا تقريبا كان اول شخص قال ان الشمس مركز المجموعه واتعدم تقريبا عشان الموضوع دا غير حملات الاعدام اللي كانت منتشره ف الفتره دي وطالت تقريبا مفكرين او رجال دين لمجرد المخالفه ف الرأي نيجي لتاني نقطه مصطلح العلمانية نفسه يعني فيه ناس كتير جدا متصوره ان العلمانية ف معناها المجرد او البسيط نفس معني اللا دينيه او فصل الدين بالكامل عن السياسة اكيد طبعا فيه نقط او مبادئ بتقوم عليها النظم العلمانية بس مجال الاختلاف بيكون ف التطبيق يعني كمثال فيه العلمانية الفرنسيه " اللانكية تقريبا " دي بتبقي فيها فصل واضح جدا للدين عن السياسه وفيه العلمانية السيكولاريه دي بيبقي الموضوع فيها اقل شوية موجوده مثلا ف بريطانيا الملكه البريطانية هيا راعية الكنيسه وموجوده ف المانيا يعني فيه احزاب دينيه او قايمه ع مراجع دينيه ف المانيا تقريبا الحزب الحاكم حاليا حزب مسيحي ع ما اظن لكن ف الاغلب العلمانية بيبقي فيها فصل للدين عن نظام الحكم يعني مظنش ان المعني تطريف الدين او ابعاده بالكامل الموضوع بيبقي جزئي بمعني ابعاد الدين عن المجالات الغير مرتبطه بالشئون الدينيه بمعني الدين بيكون موجدود عادي ف المجتمع غير مقصور ع المساجد بيبقي موجود ف مجالات اجتماعيه او نشاطية او تعليمه زي ما بيقول كابتن حسين أمين : "العلمانية هي محاولة في سبيل الإستقلال ببعض مجالات المعرفة عن عالم ما وراء الطبيعة وعن المسلمات الغيبية" وهو ما يعني القبول بالمسلمات الغيبية في مجالات أخرى كانت برضه فيه عباره كميلة اوي لفولتير او بلزاك مش فاكر مين بالظبط بس اكيد كان اديب فرنسي ألراجل كان رأيه ان العلمانية بتحافظ عن الدين او بتحمي الدين بمعني لما شخص يتظلم او يتعرض لاضطهاد تحت مسميات دينية حيكون ايه نظرته للدين اللي اتعرض للظلم بسببه ببساطيه حيادية الدوله التي لن تكون قيدا ع الدين بمعني انها تكون تحريرا للدين من الاستخدامات المسيئه من قبل السلطه ورجال الدين تالت نقطه لو اتكلمنا عن النظام الديني او الاسلامي هل فيه فعلا نص ف القرآن ملزم بالدوله الاسلامية او النظام الديني يعني حسب المفكر الإسلامي محمد سليم العوا فإن نموذج الدولة الإسلامية ليس فيه نص قرآني صريح لا يحتمل في تأويله الإختلاف ولا نص سنة صحيح الورود قطعي الدلالة وبذلك فإن على علماء المسلمين أن يجتهدوا في شأن الدولة في كل عصر بما يحقق مصلحتهم ولا يغلق الباب أمام من يأتي بعدهم ليجتهدوا كما اجتهدوا بمعني ان النظم التانية فعلا متاحه للتطبيق يبقي الاولي اننا نناقشها او نتكلم عنها بطريقه فيها جديه او اهتمام نحاول نعرف ايه مميزاتها وايه عيوبها لو اتكلمنا عن نظام اسلامي يكون فيه الزام للخليفه وفيه الزام للامه بمعني عقد بين الطرفين واجب الاحترام والتطبيق هل فعلا احنا ف حاجه لخليفه يعني الخليفه باختصار بيحكم باسم الله ف الارض غير ان العقد او المبايعه اللي اخدها الخيفه حتكون مقدسة و بالتالي سيحل دم من لا يوافق عليها او يطرح لها بديلا بالتالي ف النهايه نظام الحكم حيتحول من نظام حكم قايم ع مبادئ اسلاميه او احكام اسلامية لنظام ثيوقراطي قايم ع ايدلوجية دينية قايم ع اعتبار اراء رجال الدين مرجع نهائي او قرار نهائي لا رجعه فيه والمشكله فعلا رجال الدين مجرد بشر قد يصيبوا وقد يخطئوا ليهم مباديء او اعتقادات خاصه ممكن نختلف او نتفق معاها لو اتكلمنا عن مثال لنظام دوله قايم ع الدين النظام السعودي الذي يقول بإسلامية الدولة يتبنى تفسيراً معيناً للدين الإسلامي هو الوهابي، هذا النظام الغير الديمقراطي يضيق على الشيعة والمتصوفة ولا يسمح بحرية الإعتقاد ويصادر الحريات تقريبا ايه النتيجة نظام تيوقراطي ديني طابعه الإستبداد ويعطي صورة موهة عن الدين الإسلامي للأسف في الأنظمة الغربية العلمانية على الأقل يسمحون للجميع بممارسة الشعائر وحرية الإعقاد وبناء دور العبادة لأن لدينا تيارا عريضا في مجتمعاتنا يطرح نموذج الدولة الإسلامية كبديل للحكم، ويتبنى مقولة الإسلام دين ودولة، وتجارب التاريخ خاصة التجربة الإسلامية في الحكم التي حولت الخلافة الراشدة إلى ملك عضوض تقول بضرورة إبعاد الإسلام عن مثل هذه التوظيفات السياسية، فالسلطة المرتبطة بالدولة تفسد الدين الذي يتحول إلى ايديولوجية تمثل جماعة معينة فقط اقتباس:
__________________
 Not everything that can be counted counts, and not everything that counts can be counted |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 04:49 PM.
