"حظر المآذن" .. القذافي ينتقم من سويسرا

[محمد.فوكس]

على فكرة القذافي ده مش قد كده و اوعو تتخدعو بيه لانه بوق عالفاضي.
زي ما قال على عبادة الصليب وثنية...قال قبل كده على تقبيل الكعبة و الطواف انه وثنية و لو عايزين الفيديو اجيبهولكم.
و بعدين ليبيا عددها خمسة مليون هل ده العدد اللي سويسرا تخاف منه؟
اللي عايز اقوله ان القذافي عايز يفرض نفسه زعيم على العرب و المسلمين و هو اصلا مش عارف يبقى زعيم على بلده.
عارفين بيقول على نفسه ايه؟
عميد الحكام العرب..يعني بيفتخر انه بقاله اكتر من اربعين سنة في الحكم..ده عار عليه.
ملك ملوك افريقيا..مش ملك الملوك ده هو ربنا ولا ايه؟..و بعدين اللي يسمع كده يقول ان ليبيا هي اقوى دولة في افريقيا اومال فين مصر وجنوب افريقيا و اثيوبيا و اريتريا و كينيا؟
و كمان بيقول على نفسه امام المسلمين..اما المسلمين اللي بيقول على للكعبة وثنية..و هو اصلا تلاقي محدش من المسلمين غير العرب يعرفوه.
و بعدين امام المسلمين يخلي الناس في بلده يصوموا 31 يوم في رمضان؟
و يخلي وقفة عرفة قبل بلاد المسلمين كلهم بيوم؟
الراجل ده بتاع كلام و بس.طبعا عارفين كان بيشتم السادات الله يرحمه لكن السادات خد حقه مه بالكلام و الاهم انه بعتله فرقة جيش علمتهى الادب و دمرت قاعدة ليبية.و القذافي يوم اغتيال السادات كان بيخطط لعمل عسكري ضد مصر و لكن هيهات.
و كمان غلط في ملك السعودية في القمة العربية عالهواء.
الرجال ده عايز يظهر و خلاص..يتبع مبدأ خالف تعرف.