الدكتور البرادعي وحزب الشيطان

[محمد.فوكس]

انا شايف ان حضرتك غلطان.
الاخوان المسلمين نفسهم ابدوا ارتياح و شبه تأييد لترشح الدكتور البرادعي.
و بعدين هل يعني انت تقصد اننا نخلينا في الحزب الوطني احسن.
انا بقى بقول ان اي حاجة احسن من الحزب الوطني.. و ايوة التغيير لمجردالتغيير.. و لو الرئيس الجديد معجبناش نغيره بس هنكون استفدنا كتير جدا من تجربة التغيير .. احنا عايزين حد تقيل يقف قصاد الحزب الوطني.
انت هتطلعه علماني و يدعو للفرعونية .. طيب .. هل تظن ان البلد هتسكت لو تم تطبيق العلمانية و تغيير المادة التانية من الدستور.
و بعدين احنا ليه بنهتم بالمسميات .. هل احنا مثلا دلوقتي مش في علمانية.
افلام بتمارس في الفحشاء علني و تعرض عالناس و الراقصات فيه اصبحوا نجوم مجتمع.. ده مش علماني؟
على الاقل يا اخي نختار احسن الوحشين ..
انا منكرش اني متخوف من اللي بيتقال عن التوجهات العلمانية للبرادعي.
بس في المقابل شايف ان الحزب الوطني خرب الدنيا و لازم يجي حد تاني و ده صعب جدا و لو تحقق هيكون انجاز.
و اي محاولة لتطبيق العلمانية رسميا في مصر هتكون عملية انتحارية لاي نظام لان الشعب ممكن يسكت على اي حاجة الا الدين.
و اسأل الله تعالى انه يبعتلنا واحد زي السادات الله يرحمه يجمع بين القوة و الاعتزاز بوطنه و بمصريته و في نفس الوقت متدين_اكتر واحد في التلات رؤساء تدين_ و عاقل و عملي.