اعلام ساويرس خطر يهدد الأمن القومي ..

[محمد.فوكس]

الحقيقة انك سبقتيني في اني كنت ناوي اطرح الموضوع ده.
لاني ملاحظ ان السيد نجيب ساويرس بيعتقد انه اشترى مصر بفلوسه.
يعني في مرة كانت موبينيل راعي لمهرجان القاهرة السينمائي و طبعا احنا عارفين ان ده مهرجان العري و قلة الادب و الملابس اللتي تظهر اكثر مما تخفي.و طبعا لا مجال لاي محجبة ولا حتى لاي محتشمة..و تمت في تلك الدورة من هذا المهرجان مساندة وزير الثقافة في موقفه ضد الحاجب.
المهم الاعلامي عمرو اديب يتابع المهرجان في برنامجه فتحدث مع ساويرس و قاله:اظن بقى يا استاذ ساويرس انت مش حاسس انك في ايران اهو.
و ده يدل على ان ساويرس قال انه مش عاجبه الحجاب في مصر لانه مخلي مصر شبه ايران.(كأنه هو اللي يقول البلد لازم تبقى شبه مين و مش شبه مين).
المهم ساويرس رد عليه و قاله :ماهو احنا هنختم المهرجان و بكرة هتلاقي الشوارع رجعت زي ماهي شبه شوراع ايران(عشان الحجاب طبعا).
شوفتو البجاحة؟..يا ريت يا اخي نبقى زي ايران..شوف هم وصلو لايه؟
و بعدين سيبك من ايران ولا تركيا...انت ازاي تتهجم على فرض اسلامي.
_____
الملاحظة التانيةعن اللغة العربي .. بلاحظ ان قناته او تي في متعمدة استخدام العامية و كأن في خطة و لطمس اللغة العربية من عقول المصريين.
الرئيس السادات الله يرحمه .. كان بيقدر يوقف امثال هؤلاء عند حدهم.
و كان بيسجن اي حد يعمل كده عشان يمنع اي خطة اتغيير هوية مصر الاسلامية العربية و كمان يمنع اي حد يدعو لفتنة بين المسلمين و المسيحيين في مصر..و طبعا التاريخ شاهد ازاي كان موضوع الفتنة بيستفزه.
و عشان كده الاستاذ ساويرس و امثاله اكيد مثلا ميحبش الرئيس السادات.
بس احب اطمنكو ان مصر هتفضل اسلامية عربية .. لكن لازم ناخد بالنا من المخطط الامريكي و اقباط المهجر لفكرة الشرق الاوسط الجديد و اللي من ضمنه استقلال الاقباط بجزء من مصر.
لازم نكون واعيين جدا.
لا اله الا الله .. محمد رسول الله