|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-01-2010, 03:28 PM
|
|||
|
|||
الكورة فى ملعبك .. يلا شوووووط !!
هى فكرة جريئة شوية  بس لو اتنفذت صح هيكون ليها مردود إيجابى كويس جداً الفكرة تتلخص فى اننا كمدرسين واداريين وأخصائيين هنا فى موقع ثانوية نبعت رسالة للدكتور أحمد زكى بدر وزير التعليم الجديد فيها تهنئة رقيقة وقايمة بكل مشاكلنا اللى بتقابلنا فى شغلنا ومطالبنا اللى عايزنها تتحقق على إيديه ونكتبها كلها مطلب مطلب وبعدين الموقع بصفته أكبر موقع تعليمى فى مصر ( ودى حقيقة ) يرفع الرسالة لمكتب الوزير عن طريق الإيميل والفاكس والبريد السريع والتلغراف مع تحية ظريفة ودعاء بالتوفيق ممكن حد يسأل هنستفيد إيه ؟!  اقوله تخيل حضرتك انك أصبحت وزير التعليم وقبل ما تقول يا هادى وتبدأ شغل وصلتك رسالة من الناس اللى هتنفذ شغلك دة وهتتعامل معاهم طول ما انت وزير ، الرسالة دى فيها تهنئة ليك بالمنصب الجديد وقائمة بالمشكلات اللى منتظرين حضرتك تحلها والقرارات اللى منتظرينها منك عشان فترة وزارتك تبقى ناجحة ومصدر الرسالة هو أكبر تجمع شعبى للمدرسين على النت ياترى هيكون رد فعلك إيه ؟؟ رسالة زى دى هتخليك تقول أكيد الناس دول متحضرين وبالتالى هتحاول تفهم الناس دى عايزة ايه وتحل مشاكلهم ومطالبهم على قد ماتقدر طول عمرنا بنشتكى من المسئولين وبنقول مبينزلوش الشارع ويحتكوا بالناس طب منيجى احنا نحتك بيهم ( عجبانى نحتك دى )  مرة واحدة نجرب نكون فعل مش رد فعل اللى موافق عالفكرة يقول موافق واللى مش موافق برضه يقول موافق  تعالو نجرب ومش هنخسر حاجة ولا حتى ربع جنيه تخيل ... !! |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 03:38 PM.
