مجموعة اسئلة متنوعة لتانية ثانوى

[الاستاذ / ياسر الشرقاوى]

المشاركة الأصلية كتبت بواسطة كاردينال

ميرسي كتير ميسيو أنا بجد حاسة اني مدمرة في اللغة الفرنسية ودايما كلماتها بتتبخر من دماغي وخاصة تصريف الأفعال
لو ممكن من حضرتك تقولي طريقة كويسة للحفظ أكون شاكرة؟ أنا حاسة اني مش هجيب مجموع وكمان أنا أول مرة أشترك في الموقع ياريت ما تحرجنيش

اهلا بيكى معنا فى المنتدى
فى البداية هى سبب المشكلة لمعظم الطلبة فى اللغة الفرنسية من وجهة نظرى من سنة اولى بمعنى ان هما فقط سنتين اولى وتانية يعنى اى طالب مش راح ياخد اللغة بطريقة سليمة وصحيحة ويحبها من سنة اولى هيلاقى مشاكل كتير فى سنة تانية
طب نعمل اية الى عندة مشكلة اول حاجة تشوفى نقاط ضعفك اية فى اللغة
وتحاولى تركزى عليها مش لوحدك طبعا دا لازم بمساعدة مدرس
وبالنسبة لسؤالك عن طريقة للحفظ
ممكن تبدأى بعدد قليل من الكلمات يعنى ان كان الدرس فية 100 كلمة تحاولى تبدأى ب 15 كلمة ولازم تستخدمى القلم فى الحفظ يعنى تكتبى كلماتك وتحفظيها عن طريق الكتابة
وتقسمى الحفظ على مراحل يعنى تحفظى خمسة فى الاول وبعد كدة تيجبى ورقة بيضة وتكتبى الكلمات لوحدك بدون النظر فى الكتاب
وبعد كدة خمسة تانين وهكذا وقبل ما تروحى درسك اعملى تانى تسميع سريع لهم طبعا ممكن تفتكرى 10 وتنسى 5 يبقى المطلوب تراجعى فقط على 5
وهكذا ومع مرور الوقت هتلاقى نفسك احسن وفى تقدم
مع خالص امنياتى ليكى بدوام التوفيق