"ولاد العم "

[Golden Eagle]

مشجعي منتخب الكيان الصهيوني عايزين شحاته يدرب فريقهم
و بعتوله رساله
و بيقولوا مدربنا العزيز قال و إدخل التاريخ بتدريبك للفريق زي ما السادات دخل التاريخ
و غير مجري الرياضه
و حسن العلاقات بين البلدين
و حاجات كدا
هم الخنازير دول إيه ؟؟؟ ما بيفهموش ؟؟؟ إيه أم التناحة بتاعت اللي جابوهم دي ؟؟؟
أنا طول عمري فخور بإني لما بغلس علي حد بخليه يبقي عاوز ينتحر لأني غلس غلس يعني
لما سمعت الخبر دا من شلبي كنت هانتحر أنا من قمة التانحة و البرود و الرخامة اللي فأهاليهم
يا شوية رمم مش الاتحاد بتاعكم بعت طلب علشان منتخبنا يلاعبكم و إحنا نفضنا ؟؟؟
رحتوا بعتوا فاكس رسمي رحنا نفضنا ؟؟؟
و بعتوا تالت رحنا نفضنا ؟؟؟
خلاص بقي
بلاش تناحه و رزالة و رخامة بقي
فككوا مننا
أولا ً هانفترض إن شحاته إتخبط ف دماغه و رضي بالماتش ( خلوا بالكم من هانفترض دي و إتخبط ف دماغه دي لأن دا مش هايحصل إن شاء الله )
اللاعيبة هاترضي تشارك ؟؟؟
اللاعيبة الي هتشارك ( لو حد م اللاعيبة إتخبط ف دماغه و رضي يلعب ) هاتسلم عليكم قبل الماتش ؟؟؟
و مين اللي هايمسك علم كيانكم قبل الماتش دا ؟؟؟
و الله أنا حاسس إنهم عاملين كدا مخصوص علشان يفقعولنا المرارة
شحاته إزاي يدرب فريق هو بيكره لاعيبته ؟؟؟
أي مدرب إزاي يشتغل كدا ؟؟؟
و بعدين بتقولوا لشحاته إدخل التاريخ و درب فريقنا ؟؟؟
ما هو داخل التاريخ بإنجازاته
و مش المهم إن الواحد يدخل التاريخ و خلاص
رأفت الهجان دخل التاريخ
و عزام عزام برضو دخل التاريخ
يبقي المهم أدخل التاريخ بشرف أو ما أدخلش خالص
جاتكم البلاوي ع الصبح وجعتوا بطني