خلااااااص انا هطق والله العظيم

[bosy .. mostafa]

<span style="color:#FF6600"><div align="center">بسم الله الرحمن الرحيم


بصوا يا جماعه والله العظيم انا جبت اخري و ماعدتش طايقه حاجه بقى و قربت انفجر عن قريب و شكلي انفجرت
مش هطول عليكم
انا في اولى ثانوي زي مانتم عارفين للأسف .. انا كل لما بذاكر حاجه ببقى حفظاها صم و فاهماها اكتر من اللي مألف الكتاب .. و بعد كام يوم كده ( على الرغم اني براجع كله اخر الإسبوع ) بنسى كل حاجه فهمتها و حفظتها معرفش ليه .. و بركز صدقوني اثناء مذاكرتي و مافيش فايده برضو
وفي الشهر اللي فات في الإمتحان ذاكرت جامد و مانمتش غير قليل عشان كان في اليوم الواحد تلات امتحانات و كنا في رمضان و انتوا عارفين الوقت فوريره في رمضان .. ماجبتش درجات جيده تذكر
و المدرسين عندنا والله بيستعبطوا اوي .. بيقفوا لنا عالغلطه و نقصت كتير بسبب استهبالهم ده !!
و بيصوتوا بعد كده يقولوا لنا "درجاتكم زي وشكم .. وحشه" .. والله اللوم مش علينا ابداً ده على جدولهم و على تصحيحهم العظيم اوي
و الشهر الجاي امتحاناته الأحد 26/11
و كل يوم تلات مواد .. (نفس النظام الرخم بتاع مدرستنا العريقه)
بس طبعاً بقى الكميه بقت اكتر يعني قولوا مثلاً في رمضان كان من كل ماده درسين تلاته
لكن ده وحده و اللغات اكتر من وحده!!
يعني فيه يوم فيه .. هندسه و الماني و اقتصاد منزلي و كله (ذاكر ثم ذاكر ثم ذاكر) و يوم انجليزي و جغرافيا و جايين كتير اوي و يوم كمان جبر و مثلثات و فيزياااااااااااااااااااااااااااااااااااااااااااااا ا
و لما اجيب درجات وحشه الناس تلومني لييييييه , والله اللوم مش عليا ده على الجدول الحلو اوي و تصحيح المدرسين الأحلى
والله انا كل ما يوم الأحد ده بيقرب بحس بضيق كبير اوي و كأني مثلاً هتعدم او هيحصلي حاجه مش لطيفه
و المستفز بقى انه المدرسين كل واحد يقولي (امتحان اكتوبر ده كان هديه .. الامتحان اللي على اصله هييجي .. مافيش في مدرستنا امتحانات سهله)
و المستفز اكتر اي حد يكح بس .. (هنقصك في الدرجات لو كحيت تاني نياهاهاها)
بجد بقيت احس انهم مثلاً وحوش ولا بيستفزونا بقولتهم (انتوا المسئوليه دي عليكم لوحدكم .. و هتفيدكم لا هتضرني ولا هتفيدني انا باخد مرتبي وخلاص و بشرح لكم كل المجهود عليكم) و كأنه انا دخلت مصيبه او كده
و كل لما اقول لحد انا في اولى ثانوي وبذاكر ... بلاقيه وقع من الضحك .. و انا لو بطلت اذاكر اهلي في البيت مش هيسبوني
بس بجد انا كارهه المدرسه دي اوي و مش عارفه احبها ولا احب مدرسينها .. و بكره يوم الأحد عشان برجع لها و بكره الوقت اللي بروحه فيها و بعتبرها (جوانتاناموا) او ( ابو غريب) او اي معتقل فيه معامله سيئه ضد الإنسانيه !!
و انا من احد المنظمات العالميه كنت قفلتها والله
بكرهها اوي و والدي مش راضي ينقلني منها ..
قولوا لي اعمل ايه ؟؟ لإني بجد فكرت كتير انتحر و ارجع اقول لالا يا جارة القمر .. حرام و بعدين دي مشكله تافهه مش محتاجه تموتي كافره عشانها .. فيه غيرك عنده مشكله اكبر و مش بيقول حاجه .. و برجع اقول لربنا
قولولي الحل بالله عليكم
اختكم في الله </div> </span>