الرجالة تقعد في البيت أحسن !

**تسابيح** · #1 02-03-2010, 06:03 PM

السلام عليكم ورحمة الله وبركاته
ازيكم ياجماعة ؟
عاملين ايه؟
يارب تكونوا بخير
بجد وحشتني الكتابة في المنتدي

والمنتدي وحاجات كثيرة كدا
كنت عايزة أقلكم علي موضوع يمكن نشوفوا كلنا في حياتنا وواقعنا
او بنسمع
المهم
كان مرة فيه واحد
أمه بتقول : ياحبيبي بقي ذاكر وركز عايزاك تجيب تقدير كويس
قالها : مش انا دخلت الكلية وخلاص كدا بقي اجيب اللي انا عايزة
مش مهم ايه المهم اني اتخرج والسلام!
قال له: لا يحبيبي عشان تشتغل أمال هتشتغل ازاي؟
قال: مين اللي قال اني هشتغل مبقاش دلوقتي فيه شغل !
الأم: امال ان شاء الله هتعمل ايه وهتجوز ازاي؟
الولد: بما ان الستات هي اللي بقت تشتغل في البلد دي
والرجالة مش بقي ليها شغل
هتجوز 4 يصرفوا عليه

يمكن هو بيهزر بس
لو شفتم بين السطور هتشوفوا حاجات كثيرة
:::::::::::
كنا بنأخذ محاضرة النهاردة وأول مرة الدكتور دا يدينا
الحاج الدكتور هيدينا عقبالكم كدا عنجليزي

بدأ بقي يقول ايه ياشباب مفروض تطور نفسكم
انت بتقولوا فيه بطالة وقلة معيشية وحاجات كثيرة
بس انتم مرة فاكرتم تحلوا المشكلة دي
حد مرة فكر يطور نفسه؟
حد سأل نفسه أن مش الشهادة هي اللي بتعين دلوقتي
لا ... دا خبرتك ومجهودك ومش الشهادة ولا حاجة!
اول لما تيجي تتعين بيعمل معاك (Interview)
يعني مقابلة شخصية مش بكلمك بالعربي

لا دا بيكلمك بالإنجليزي
يمكن ناس فاكرة ان الانجليزي اللي بتدرسة هتركنه ع الرف
وتحفظ كلمات وترسها في الامتحان وخلاص
الانجليزي هبقي معاك مهما رحت في أي مكان
والكمبيوتر
هي دي الحاجات اللي هتبقي معاك ولازم
تكون متفوق فيه
هو بيحكي عن موقف
قال(إنه مرة واحد صاحبة بيشتغل في بنك كبير في القاهرة
البنك دا محتاج شخص مصري بيعرف ألماني كويس عشان يجذب العملاء
الألمان أنهم يحطوا فلوسهم في البنك كدا
طلب من دكتورنا العزيز أنه يبحث له عن واحد بيعرف ألماني كويس
بمرتب 7000 جنية في الشهر

راح لكلية ما بيدرسوا فيها ألماني
وحكي للطلبة عن المهنة وكل شيء وقال اللي يلاقي نفسه متمكن
ويقدر يعمل انترفيو كويس
لأنهم 2 ألمان و2 مصريين هيجوا يختربوا الشخص دا
بيقول استنيت حد يرفع ايده مفيش ابدااا
سنه 4 يعني رخر سنة في الكلية
قالهم فيه ايه محدش اتكلم ليه
قالوا: بصراحة احنا مش بنعرف ننطق الماني
احنا بنحفظ ونكتب في الأمتحان

... عارفين
في الآخر عمل ايه ........جاب واحد ألماني من ألمانية عشان يشتغل في مصر)
هو عايز يقول أن المهارة هو اللي بتخلي الشخص
متميز والوظائف كلها تبقي عايزة
وبعدين حكي عن واحد قابله في القاهرة في التحرير
قال له: دكتور فلان مش عرفني
قال له: مين ........
الشاب عرفه عن نفسه
في قسمنا بس دا من 5 سنيين

الشخص دا كان بيحب الفرنساوي جدااا
وبيكتب قصص بالفرنساوي وبيديها للدكتور والدكتور يديها
لناس في قسمه بتراجعها له
المهم بعد لما اتخرج مش قال
طور نفسه في الفرنساوي
وقرأ أعلام في الجرائد
مترجم للسفارة الفرنسية
وتعين فيها
(عقبالي يارب ان شاء الله مترجمه عربي حتي

)
ممكن يكون الموضوع ملخبط شويتين ثلاثة
كل اللي عايزة أقله
هل فعلا العيب في شغل المرأة اللي خلي الرجل عنده بطالة؟
ولا العيب في ثقافة الشخص ذات نفسه وعدم تطوير نفسه؟
منتظرة ردكم
دمتم في رعاية الله