عوزاني احكيلك حكايتي؟

[أنت___عمري]

عاوزاني أحكيلك حكايتي
ولا عاوزة قلبي ينسى؟
بين اديكي تكون بدايتي
ولو ف يوم ايدك هتقسى
هحكي تاني لوحدة تانية؟
واشكي جرحي ف كل ثانية
وتبقي مشهد من روايتي
عاوزة أحكيلك حكايتي؟
*****
هحكي واللي يكون يكون
يا ما شوفت كتير عيون
اللي حبت واللي وعدت
واللي قالت قلبي ملكك
واللي دابت واللي عشقت
واللي قالت موتي بعدك
واللي نامت في عيوني
واللي نمت ف حضنها
واللي حبتها بجنوني
وما كنتش اعرف انها
هتكون ف يوم صفحة ف روايتي
عاوزاني احكيلك حكايتي
طب اسمعي
...
قلبي لو يعشق يصون
لا ف يوم قسي ولا يوم يخون
هي خانت هي غدرت
ايوه قالت قربي بُعدك
واللي فيك دابت يا قلبي
جت بقسوة عشان تهدك
والعيون هجروا سابوني
غرقان ف قسوة بحرها
وبساطة ليه خانوني
حتى خدودها وشعرها
والجرح دايماً كان نهايتي
نار وحيرة وخوف روايتي
واديني غنيتلك حكايتي
عاوزاني انسى
بين اديكي تكون بدايتي
ولو ف يوم ايدك هتقسى
هحكي تاني لوحدة تانية؟
واشكي جرحي ف كل ثانية
وتبقي مشهد من روايتي