مكرر

[waleed el masry]

صلوا على النبى
انا مش معاك يا مستر فى جملتك اللي بتقول فيها اننا موش هنقول نعمل ونودى ونتجمهر و نهبل لالالالا
لأ لازم نعمل ونودى ونتجمهر ونهبل كمان ولكن بعقل
يعنى كان انطرح فى المنتدى المحترم ده فكرة جميلة جدا بتقول ان يكون اول خطوة اننا نعبر عن رأينا
ونوصل اصواتنا للناس قبل ما نوصلها للمسئولين

وكان مضمون الفكرة ان يكون فى رسالة موحدة مكتوبة يتم ارسالها من كل معلم مساعد على مستوى الجمهورية حيث يتم
الخروج من المدارس و ارسال خطاب احتجاج موصى عليه بعلم الوصول و مسجل الى مكتب وزير التعليم
و بذلك يصبح امام الوزير حوالى اكثر من 75 الف خطاب خلال يومين
وفى اليوم الثانى يتم ارسال نفس الخطاب من كل معلم مساعد على مستوى الجمهورية الى برنامج العاشرة مساءا بقناة دريم الفضائية وبكده هيكون قدام فريق الاعداد الخاص بالبرنامج اكتر من 75 الف خطاب خلال يومين

يمكن الكلام ده مش هيقدم خطوة لقدام بس اكيد هيظهر مسئول هيستشف من كلامه النية المبيتة لمصير المعلم المساعد فى مصر

يا جماعة مش عايز اكون بكلم نفسى وبس ، ارجوكم شاركونا بالافكار يعنى انا اتمنى من العضو العزيز elmister
انه يحاول يعمل نص الخطاب الاحتجاجى الموجه لوزير التربية والتعليم ونص الخطاب الموجة للعاشرة مساءا واحنا معاك
ويتم الاتفاق على اليوم المحدد لارسال الخطابين ولما كل واحد يضحى باتنين تلاتة جنية تمن تسجيل الجوابين فى البوسطة اعتقد ان ده مش كتير قدام كلمتين من فم مسئول اشاء القدر انه يكون اخرس

عايزنها تبقى حملة فعلا ونبلغ بها زميلنا اللي يمكن يكونوا ماشافوش الكلمتين دول بس اهم شئ التنسيق والاتفاق
يا نهار ابيض كل ده كلام كتبته بس معلش يا اخونا سمحونى محتار ذيكم ومحتاج حد يشاركنى الرأى


تحياتى للجميع