من ترشح لرئاسه الجمهوريه

[مشتاقه لمصر]

انا هقول رأيي
وسبق وقلته قبل كده فى المنتدى
مشاكلنا موجوده فى كل الدنيا
بس احنا اتعودنا ان احنا نحط ايدنا على خدنا ونشكى
وياريت الشكوى بتكون مع بعضنا دى الدنيا كلها بتتفرج علينا فى برامج الفضائيات وغيره
ويقولو دى مصر ودول المصريين
ويا رتنا بعد ما يتفرجو علينا بنحلها يبقى استفدنا حاجه
ومع انهم عندهم اكتر من مشكلنا
بس مبينشروش غسلهم ال......
مع ان كل الدول فيها فساد وزى مصر واكتر
هتقلى الحكومه فيها فساد والدنيا بايظه فى مصر
معاكم فى الموضوع ده
بس الحكومه دى مش مستورده دى مننا من شعبنا
يعنى يا جماعه التغيير لازم يكون من نفسنا
لازم نحس ان التغيير ده مسئوليتنا كلنا
فلا يستقيم الظل والعود اعوج
يعنى بامانه لو افراد الشعب غالبيتهم من المجتهدين ( طالب او عامل او مدير او دكتور او مدرس او مهندس او ربة بيت او ........................
واللى بيراعو ربنا فى كل كبير وصغيره فى حياتهم
هيخرج منهم حكومات فاسده
مش معنى كده انه هينتهى الفساد
بس صدقونى مش هيقدر يعيش براحته زى الايام دى
والله يا جماعه الموضوع مش بتغيير الرئيس
الموضوع فينا احنا بس احنا مكسلين نفكر ان احنا السبب
اصل نتعب
وبعدين نقول ده مفروض احنا اللى نبدأ مش حد تانى
علشان كده انا ارفض رئيس غير محمد حسنى مبارك
على الاقل هيحمينا من السياسات الخارجيه المتربصه بينا
لحد ما نفوق ونعرف ان احنا مفروض نتغير مش هو اللى يتغير
والله الكلام اللى بقوله ده من قلبى
ومصر والله عظيمه عظيمه وتستاهل مننا كل خير