بناءً علي طلبات الاعضاء , ادخل راجع معانا ...

[a7mad 3abdo]

الكيمياء منهجها طويل لا يشعر بهذا الكم الهائل من معلومتها الا الذي اهملها في بداية العام .
بينما الطالب اللي خلصها و راجعها يرا انها اسهل ماده و انها مادة مضمونة ...


و بعد الكلام الكتير ..............
السلام عليكم و رحمة الله و بركاته ,
تحية لكل اعضاء المنتدي طلابه و مدرسيه ,
بصراحة انا شفت فكرة مراجعة في قسم اللغة العربية من احد الاعضاء الفعالين
المهم لقيت هنا ناس كتير اوي بتطلب في القسم هنا جدول للمراجعة في الكيمياء عشان تلم المنهج كله مع بعضه
قررت استفيد من الفكرة المطروحة في قسم اللغة العربية -لتعم الفائدة - و نعمل جدول مراجعة للكيمياء في هذا القسم
هنطول مدة المراجعة شويه عشان يبقي الكم اليومي قليل و في نفس الوقت التركيز علي الاجزاء يكون بشكل اكبر


و بعد الكلام الكتير دا برضه ( اسف علي الاطالة )
اليكم مخطط لكل الدروس اللي سيادتك هتذاكرها يوما بيوم و ان شاء الله هنخلص من 10 الي 14 يوم مراجعة المنهج كله
طبعا دي فرصه للناس اللي واقعه في الكيمياء
المخطط دا هيبدأ من النهارده , و هنعتبر اننا في يوم الجمعة 7 \ 5 \ 2010
في الاسبوع الاول . اليوم الاول من الاسبوع في المراجعة
حضرتك هتذاكر : 1- الباب الاول من الاول حتي ما قبل اعداد الكم , يعني هتذاكر النظرية الحديثة و تسك علي الباب الاول
2 - العضويه يا حضرات : من الاول لحاد تسمية المركبات العضوية ( ما قبل الميثان )
طبعا انا مش متقل الدروس عشان كل واحد المدرس طالب منه حاجة برا الكلام دا يعملها و في نفس الوقت يلحق المراجعه الاضافية


المطلوب منك انك تنفذ من اليوم .. و تحل اسئله كتاب الامتحان علي الاجزاء دي ( الدرس الاول و الثاني من الباب الاول ) و الدرس الاول من الكيمياء العضوية
هتحل اسئلة المفهوم العلمي و علل و تكرما منك في العضويه هتحل التسمية و التحويلات
كل دا ؟!!!!!!!! لا ... ممكن تحل علل دا شفويا عشان تختصر الوقت , و المفهوم العلمي اللي انت متأكد منه هتحله شفويا , و اللي مش متاكد منه اكتبه في اي حته و صحح لنفسك من الحلول ( مش عيب ولا حرام )


انا مش بعمل دعايه لكتاب الامتحان ولا حاجة انا بتكلم علي الكتاب دا عشان هو اللي عندي و اقدر احددلك الاسئله منه .


اللي عنده اي كتاب تاني يحل منه بنفس الطريقه برده , و ان شاء الله كلنا نجيب 50 \ 50 في الماده دي .
المهم تركز و تلتزم , و لو في حاجه مش عارفها او مش مقتنع بيها اعرضها للنقاش.
اسال الله ان يوفقني و اياكم ...
والله لا يضيع اجر من احسن عمله و هو ولي التوفيق ,