|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
|
|
أدوات الموضوع | انواع عرض الموضوع |
|
#1
24-05-2010, 12:20 PM
|
||||
|
||||
عشان انت عربى
عشان انت عربي لازم تعانى
وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى  عشان انت عربي العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عاملك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت عربي وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف ,,احمد فؤاد نجمــ ,,,
__________________
و اذا الشعب يوما اراد الحياة فانها على تردد 10892 افقى 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:13 PM.
