والله العظيم بحبها ....... هي مين ؟

[عبدالله حسن رياش]

والله العظيم بحبها ....... هي مين ؟

مصر اللي علمتني نظم الحـــــــــروف
واجبي أمـــــــدحها وأنا مش مكسوف
أقف جنبها في محنتها ومن غير خوف
أقول كلمة حق ولو هالبس حرير أو صوف
ولو شمس النهار جالها كسوف
أو قمر الليل عنده خسوف
ضيِّك يا مصر هايفضل يعلم ملايين وألوف


ألِّف وأطوف
مش هلاقي زيها
بلدي وعيان بحبها
بلدي ودائي عشقها
والله العظيم بحبها
وأبيد اللي ييجي جنبها


ومالي دعوة بمسميات ولا أشخاص
دُورِي إيه هو ده الأساس
نفسي أكون مع كل الناس
نغزل طرحة ونعيد الفرحة
وأعمل تاج لولي وماس
وأحطه بإيدي فوق الراس



هو يعني عشان أكون بحبها
لازم أحيي اللي يسبها
أو أسكت على ضياع حقها
وأشوف الكل بينهش في عرضها
لأ والمصيبة إن اللي بينهش في لحمها
مش غريب
دا هو للأسف الشاعر الكبير إبنها

يا مصر ليكي ربنا
دا هو اللي طمِّن قلبنا
لما قال عننا
في آية نزلت في حقنا
فيها خصوصية لنا
"أدخلوا مصر إن شاء الله آمنين"
إهداء مني لبلدي الغالية