اختيار محتاز فيه ارجو كيفية الاختيار و الله مهم

[مستر// فيكتور بخيت]

المشاركة الأصلية كتبت بواسطة حسين فراج

عنصر تركيبه الالكترونى 4f14. 5d3. 6s2 يكون ممثل /انتقالى رئيسى / انتقالى داخلى / خامل

السوال هو كيف اعرف الاختيار اذا جاء فى الامتحان

العنصر هنا يكون انتقالى رئيسى ليه بقى ركز معاى

ابداء بعنصر الباريوم (عدد الذرى 56) هتلاقى اخر مستوى فرعى به 6S2

وبعده عنصر اللنثانيوم (عدده الذرى 57) اى يزيد الكترون عن الباريوم هذا الالكترون نحطه فى المستوى الفرعى5D
( وليس 4F) لانه عنصر انتقالى رئيسى تمام
ندخل بقى على اللانثانيدات واعدادها الذرية من 58 الى 71) نبداء نملئ المستوى الفرعى4F

وبعد كده ابتداء من العنصر عدده الذرى 72 نرجع نملى 5d خد بالك انه كان يحتوى على الكترون واحد)

والخلاصة علشان لا تتوه منى

اذا لقيت المستوى الفرعى 5dبه الكترون واحد والمستوى الفرعى 4f خالى يبقى ده عنصر انتقالى رئيسى ( اللنثانيوم)



و اذا لقيت المستوى الفرعى 5dبه الكترون واحد والمستوى الفرعى 4f ( به الكترون واحد -الى 14 الكترون) يبقى عناصر انتقالية داخلية لانثانيدات

واذا لقيت المستوى الفرعى5d به اكثر من الكترون ( من 2 الى 10 ) يبقى انتقالى رئيسى كما فى سؤالك الموضوع ( وهنا ستلاحظ ان 4f به 14 الكترون)

ارجو ان اكون وضحت العملية لانها فعلا محتاجة تركيز