حكاية موقف حقيقى !!

[usernamo]

بسم الله الرحمن الرحيم

من منا لا يتعرض يومياً لمواقف ... بعضها مضحك ... مؤثر .. حزين ... الخ

و هنا هعرضلكم موقف غريب جداً

الموقف
-ـ-ـ-ـ-ـ-_-_ـ-ـ_
(( بابا اتسرق موبايله ))

الابن : انا امجد
الاب : ضابط فى العمليات الخاصة ( امن مركزى )

......
بداية الموقف ...

الاب يتصل بالام :: رنى عليا انا مش لاقى تليفونى تقريباً نسيته فى العربية
الام : حاضر
الرقم الذى طلبته ربما يكون مغلقاً او خارج نطاق الخدمة
الاب : اوبس انا اتسرقت تقريباً ..

فلاش باك ..

الاب ( لابس ملكى و العربية الملاكى) : فى ايه فى ايه .
رجل غريب : كده يا بيه خطبتنى
الاب : نا خبطتك يبنى !!
الرجل : بص يا بيه
الاب : طب معلش انا اسف .. خد دول

(( طبعاً اللى اتخبط ده مد ايه بإحتراف و اخد الموبايل ))

الاب بعد وصوله الشغل و بعد المكالمة السابقة ..

الاب : انا رايح القسم و هقلب لمنطقة دى ..

(( فى القسم ))
الظابط بيكلم ابويا من مناخيره و عنتظة رهيبة
الظابط : جاى ليه
الاب : سرقة موبايل
الظابط : لا متلاقيش !!
الاب : ملاقيش ايه ... هى قصب !
الظابط : مبنخدش بلاغات موبايلات
الاب بعد نفاذ صبر : طب قوم بقى و تعالى معايا انت اللى هنا كلهم احسنلك
الظابط : انت مين انت عشان تكلمنى كده
الاب : منا لازم ابقى مين عشان تعمل شغلك
الظابط : مين يثعنى
الاب : انا العميد كذ كذا كذا ( اسمه يعنى )
الظابط : هات يبنى القوة و تعالو ورايا !!!!
((و وشه جاب احمر و مش عارف يكلم ))

خرجو من القسم و الظابط بيرتعش و معاه 10 عساكر و 5 امناء شرطة

هيركبو يه بقى !!
الظابط : ياباشا فيه مشكلة القسم مفيهوش عربيات
الاب : و انا مش هجيب البوكس بتاعى لانى وديته الادارة
الظابط : طب خلاص هنبلطج على اى ميكروباص !!!!
الاب : نبلطج !!
الظابط : اه ياباشا حتى بص ..
و بدون اى مقدمات وقفوا فلوكس و نزلو الزبين و ضربو السواق بالقفا و خدوا العربية و والدى فى حالة ذهول
- وصلوا الشارع
الظابط : هو ده الشارع يا باشا
الاب : اه
الظابط : يابشا ده الشارع ده كل حرامية !
الاب : مكنتش اعرف للاسف
بلطجو على بتاع القهوة للى فى لشارع وا اخدو الكراسى و قعدو بالعرض و سدوا الشارع ..
- بمرور خمس دقائق .. رجل بزى بورسعيدى ماشى و معاه عيش الظابط وقفله و ضربه ضربتين كده و الراجل عمره حولى 60-65 سنة ..

العجوز : اه اه ليه كده انا غلبان و الله
لظابط : فينك ابنك يا عطية ابنك سرق موبايل ..
(( طبعاً واضح من الكلام انهم عارفين حرامية لشارع كلهم و سايبينهم يسرقو فى لناس و اللى مالوش دراع او وسطة ملوش حق ))

العجوز : عمل ايه ابن*** تانى ... ياباشا انا متبرى منه انا ماشى فى الحلال و الله
الاب لاحد امناء الشرطة : انا صعبان عليا الراجل ده مشوه
امين الشرطة : ياباشا اه هو غلبان و بيمشى على مزاجنا بس ابنه هو للى ماسك المنطقة دى فى الموبايلات

الاب يتوجه للعجوز و يقول : فين ابنك عشان سرقنى
العجوز : انا هجيبهولك يباشا
العجوز يخرج محمولاً ثمنه لا يقل عن 4000 جنيه !!
العجوز : انت يلا انت فين انا جايب ب 2 جنيه عيش و هيبرد و اخواتك جعانين !
جابر ابن الرجل العجوز : انا فى الغرزة يابا
العجوز : تعالى ابوك بيضرب و هات الموبايلات للى سرقتها
جابر : يابا هو موبيل واحد و التانى بعته
العجوز : هات اللى معاك ده ة تعالى
جابر : هيمسكونى يابا .. انا مش جاى
العجوز : يعنى يضربونى انا
جابر : مش مهم !
العجوز : وحيات*** لو مجتش هقولهم انت فين
جابر : خلاص انا هسيب لموبيل عن الفكهانى اللى فى اول الشارع
العجوز : ماشى
بعدها بقليل يذهب احد لامناء ليحضر الموبايل و طبعاً كان جابر ساب الموبايل و راح ابعد ما يكون عشان ميتمسكش ..
و فى ذلك الحين ..
الاب للعجوز : و انت بقى شغال ايه و سايب ابنك كده ليه
العجوز : يا بيه انا مقدرتش عليه
الاب : طب بتشتغل ايه طيب ..
العجوز : فى الحلال ... بيبع حشيش و بانجو !!!!!
الاب : لا و نعم الحلال
العجوز : اه ياباشا مفيش احلا من الحلال و رضا رابونا ( بنفس النطق ده )
الاب : ايه يا حضرت الظابط بيقولك حشيش و بانجو
الظابط : اه ياباشا منا بشترى منه !!!!!!!!!
الاب فى صدمة عارمة
الاب : طب كويس ..
المهم جه الموبايل ..
الظابط : هو ده الموبيل ياباشا
(( موبايل والدى اللى اتسرق كان فى حوالى 1800 جنيه ... الموبيل اللى ظابط جابه كان n97 طبعاً اغلى بكتير ))
الاب : لا
الظابط : خلاص حلال عليك ده
الاب : حرام و احترم نفسك بدل ما اسجنك
الظابط : انا اسف طب بص فى بتاع موبايلات ممكن يبدلهولك بأى موبايل يعجبك
الاب : لو كررتها تانى هسجنك و الله
الظابط : خلاص ياباشا بس مفيش موبايل مع جابر غير ده تأمرنا بأيه ؟
الاب : خلاص نرجع
الظابط : يلا يبنى انت و هو ... و شكراً يا عطية

و رجعو القسم و والدى سابلهم ال****** و كده و كمل المحضر و روح البيت

_________-_

طبعاً بعد ما شفنا الكلام ده احب اعلق و اقول :
1- حسبى الله و نعم الوكيل فى حكومة بلدنا
2- الحشيش و البانجو الشرطة مش بتاحسب عليه !!
3- عشان اللى هيسال و يقولى مش والدك ظابط ازاى مش عارف كل ده (( الامن المركزى غير الامن العام ))
الامن المركزى : الوزارة و رئاسة الجمهورية
الامن العام : الاقسام و مديريات الامن

4- عايز كل واحد يرد يقولى تعليق و شاف ايه فى لموقف ده

و شكراً