الـحـقـيـقـة بشأن التثبيت ... بس محدش يزعل منى

[آدم البرنس]

قبل ما اتكلم انا زى زيكم وياريت محدش يزعل منى ... شىء جميل لما تكون متفائل وشىء أجمل لما تكون عندك امل بس الاجمل من الاثنين انك تعيش الواقع .
سمعنا كتير أحد الاخوة ذهب للادارة والموظف قاله ابشر قرار تعينك قرب ، واخ آخر راح الاكاديمية وقاله للاخ الموظف احنا شغالين فى موضوع التثبيت ، واخ آخر قرأ نشرة عند أحد المسئولين بشأن التثبيت .
أن مش بكذب الاخوة الاعزاء بس بجد حرام لحد كدة وكفاية لعب بالاعصاب من الاخوة ( الاخوة الاعداء ) المسئولين .

نرجع للمهم
أحنا وقعنا فى شهرمايو الماضى على تجديد العقد لمدة عام آخر وبرضانا ودون غصب على وظيفة معلم مساعد فلا اعتقد بالعقل كدة يعنى بعد مرور شهرين فقط من العقد اللى مدته سنة يتم التثبيت حاليا ... وإذا كان أصلاً لديهم النية فى التثبيت اليومين دول مكنوش خلونا نمضى على تجديد العقد ( كان على الاقل مد العقد لمدة شهرين من نفسهم ) وهذا يؤكد النية السودة لديهم .
وملحوظة أخرى خبر زى التثبيت ده مش قليل ولو كان هيحصل قريب كنا سمعنا انفرادات فى الجرائد والبرامج التليفزيونية عن هذا الخبر . وهذا يؤكد كلامى .
ولكن الكلام الاكيد أن التثبيت أن شاء الله هيكون مع بداية شهر مايو المقبل اللى هو نهاية عقدنا ووقتها مفيش مفر من التثبيت .

أنا مش عايز الاخوة الافاضل يزعلوا منى ويقولوا انى انا بحبطهم ولكن دى الحقيقة .... ولو كنا عايزين نعمل وقفة بجد ونطالب بحقوقنا كان أولى ان الكلام ده يكون قبل ما نمضى بأيدينا على تجديد العقد لمدة عام آخر كمعلم مساعد ............ فعلاً لعبوه صح

بجد أنا بحبكم ومش عايز أى حد يلعب بأعصابكم ..... وبالله عليكم محدش يزعل منى