"تنسيق الثانوية العامة" ( استفسارات تم الاجابة عليها ) (موضوع تجميعى )

[Mistakable]

المشاركة الأصلية كتبت بواسطة رامى هشام

انا جايب 90.24 فى المرحله الاولى علمى علوم وهحول لعلمى رياضه هل ممكن الحق هندسه السنه الجايه ان شاء الله الرجاااااااااااااااااااااااااااااااء الرد

انا لو مكانك اكمل علمى رياضة واذاكر جامد وان شاء الله حتلحق هندسة لان المجاميع بتاعت تانية السنة دى مش حلوة وحتى لو ملحقتش هندسة ان شاء الله حتلحق حاسبات ومعلومات ودى متقلش عن هندسة ان مكانتش احسن منها

ونصيحة ركز على الرياضة والفيزياء جامد من شهر 8 الجاى عشان توفر وقت لباقى المواد وخد اقتصاد واحصاء لو عايز توفر وقت اكبر لباقى المواد

وبالنسبة للرياضة لذيذة جدا بس مختلفة عن رياضة 1 واكيد نسبة التفكير فيها اعلى بكتير وحتحتاج تحل دليل التقويم وكتاب المدرسة اساسى جنب كتاب لامى ( يعتبر اقوى كتاب فى رياضة 2 ) و لو المدرس حاول يخليك تهتم بالكتب الخارجية بس متطاوعوش عشان فية مدرسين ضعاف جدا فى رياضة 2 ومبيعرفوش يحلو كتاب المدرسة
ولو عايز تاخد فكرة عن الرياضة لوحدك من غير مدرس ابدأ بالميكانيكا حتلاقيها لذيذة قوى وحتحبها

اما بالنسبة للفيزياء حتلاقيها من اجمل المواد ومذاكرتها متعة بس لازم تركز جامد على اول كل باب والا حيضيع منك الباب كلة ومتخليش حد يضحك عليك ويقولك ارشميدس ولا الكهربية صعبة عشان اللى بيقول كدة بيبقا محلش كتير عليهم
وناس قعدت تقول الفيزياء صعبة وانا كنت بقولهم اذاى دى سهلة بعد ما خلصت المنهج عرفت ان صعوبة الفيزياء فى انك تلمها لانها كبيرة جدا وحتلاقى تعريفات كتير واثباتات وتجارب وحاجات ممكن تنساها بسهولة لو سيبتها واستهترت بيها

عشان كدة لازم الفيزياء تتراجع اول باول وكل متخلص باب ترجع تحل على كل الابواب اللى خلصتها وتحفظ الحاجات اللى حتكون نسيتها
وحاول تسبق المدرس بتاعك فى المنهج لو قدرت بس اوعى تخلى اى مادة تاخد وقت مادة تانية

وان شاء الله مش حيضيع تعبك وحتدخل الكلية اللى فيها الخير لدينك ودنيتك

ولو فى اى حاجة عايز تسئل عليها انا تحت امرك ومعليش انا طولت عليك وبالتوفيق ان شاء الله