هذه هى محافظتى

[أحمد علاء الدين راضي]

أنا عايش فى منطقة العبور فى مركز مغاغة بمحافظة المنيا عروس الصعيد

وفى الحقيقة أنا منياوى طحن

يعنى متقليش القاهرة ولا الجيزة ولا حتى أبو زعبل

أنا-وأعوذ بالله من كلمة أنا-طبعاً بحب المنيا

ورحت مع عيلتى المنيا نفسها-مركز المنيا- وشفت مدى جمال المنيا وبأفخر إنى من عروس الصعيد واقتنعت إنها تستحق اللقب دة-عروس الصعيد-وخاصة بعد ماكتبوا عنها فى مجلة ميكى

أنا-وأعوذ بالله من كلمة أنا-رحت المنيا وشفت جمال شوارعها والنافورات اللى أول ماتدخل المركز تشوفها والأنوار اللى فى كل مكان وإشارات المرور حتى الكرب الللا فيها طعمه خطير ويا سلام على حلويات الميهوب ودة اسم محل

وآخ بقى على نادى أعضاء هيئة التدريس نادى راقى بيطل على النيل والهوا هناك طحن

والحقيقة إنت لما هاتروح المنيا هاتتبسط جداً

بس أنا فى وسط الفرح والسعادة دى زعلت عشان رمز محافظتى مش فى بلدى قاعد فى ألمانيا

وفى كذا تمثال فى كل المراكز التسعة لرأس الملكة نفرتيتى رمز محافظتى

بس نطلع من الزعل وأقول لكم على الرحلات النيلية الممتازة بالنهار وبالليل

عشان كدة أنا بأدعوكوا لزيارة المنيا

وتشوفوا محافظتى

يمكن تحبوها زيي

وزى ما قلت ماتقوليش القاهرة ولا الجيزة عشان أنا فى الآخر هاختار المنيا وبالتحديد مغاغة

عشان أنا منياوى طحن

والمرة الجاية هاقولكوا معلومات عنها

وإيه رأيكوا كل واحد يتكلم عن محافظته؟