افضل طريقة لحل مشكلة الكيمياء؟

[*محبة الله*]

بسم الله الرحمن الرحيم

كل الناس اللى واخدةكيمياء فى سنة تالتة بتعانى من المدة الصغيرة قبل الامتحان
وهى نص يوم

احنا كلنا ممكن نعمل حاجة ممكن تغير الموضوع ده
بس الحاجة دى محتاجة ناس متعاونة ومقدرة الموضوع بجد

الطريقة بسيطة......
* اولا : كلنا عارفين مدى تأثير برنامج "القاهرة اليوم" على مصر كلها
من اعلى ناس فيها لاقل ناس
ممكن كلنا نتصل بالبرنامج ونكلم عمرو اديب ... فى يوم واحد نختاره بس بجد
ونعرض المشكلة بحماس
يعنى لما هما يتلقوا اكتر من اتصال واحد فى نفس الحلقة وناس كتير وبيتكلموا عن نفس
المشكلة .... ومقهورين ...اكيد حيبقى فى رد...

* ممكن لو مش عايزين نتصل فى فاكس يا جماعة يعنى .. ممكن نبعت فاكسات باسمنا او كل
واحد منفصل لوحده عن التانى ... يعرض فيه برده نفس المشكلة للبرنامج

وممكن كمان الفاكسات دى مش بس لعمرو اديب . لا ممكن نبعتها على جريده الجمهورية
وممكن كمان نبعت ايميلات كتير على كل الجرايد وكل النقاد

* يا جماعة البرامج الحوراية فى بلدنا مابتصدق تلاقى مشكلة تمسك فيها و تعملة موضوع كبير
يعنى فى برنامج العاشرة مساءا .. على دريم ... وبرنامج 90 دقيقة على قناة المحور...

يعنى اى حد عارف نمرة اى برنامج من دول يكلمه ويقولنا وكلنا حنتصل ... ان شا الله حتى
برنامج مايطلبه المشاهدون....

دى الطريقة الوحيدة اللى ممكن نغير بيها حاجه فى الجدول .. احنا مش طالبين كتير
احنا كل اللى عايزينه يوم بس .. يعنى نمتحن السبت بدل الخميس .. اظن مش معقولة اربع امتحانات
ورا بعض....
ولو حتى ماوافقوش انا رأيي انهم يمتحنونا الجمعة
اه والله .. لو مش عايزين يمدوا الفترة ليوم احنا مش عايزين نأجز الجمعة ونمتحن فيه

*** على فكرة ممكن حتى الناس اللى مش متضررة احنا تشارك فى الموضوع وتتصل وتحاول معانا
انا عن نفسي يا جماعة حبعت ان شاء الله فاكسات وححاول اتصل بالبرامج قدر الامكان..انا وكل
صاحباتى h34r:

يا رب الاقى منكم تجاوب فى الموضوع ده لان انتوا املى الوحيد لنشر الموضوع ده
فى كل حته وفى كل المواقع ... لاننا كلنا واحد...

اختكم .......هبــــــــــــــــــــــــــــــــــــة