لكل الحيطان ... قصدي الرجالة اللي في المنتدى .. شوفوا الست دي بتقول ايه ؟؟؟

[ZIKA*STAR]

بسم الله الرحمن الرحيم


لكل رجالة المنتدى ، الست دي غلطت فينا كلنا..

واحدة ست بتكلم الستات



قال ضل راجل ولا ضل حيطه



قال بيقولوا ضل راجل ولا ضل حيطه ....يختي بلا خيبه



* بذمتك عمرك سمعتي عن حيطه تقعد شخر طول الليل وما تخليكيش تعرفي تنامي



* ولا حيطه تدخل من الباب تجعر عايزه الغدا ,وبعدين تطين عيشتك علشان الملح زياده



* طيب شفتي حيطه تملأ لك السقف البيت دخان


* ولا حيطه تقعد كل شويه وتقول لك انتي رايحه فين وجايه منين


* ولا حيطه تدوخك وراها علشان تعرفي هي بتكلم مين في التليفون بعد نص الليل



* طيب دي الحيطه معروف مكانها دايما ,انما المحروس بيدوخك وراه علشان تعرفي هو سهران في انهي داهيه...قال إيه عنده شغل ! يا سم !



* بذمتك غي حيطه تحاول تطلعك غلطانه في كل كلمه تقوليها علشان تثبت للعيال إن الحيطه تفهم أحسن منك


* ولا حيطه تلوي بوزها لما أمك تيجي تزورك




* ولا حيطه تقعد تقول لك ما تخرجيش بالفستان ده محزق عليكي ,ولما تقول لها هاتي فلوس علشان تشتري فستان غيره ,تعمل ولا كأنها سامعه


يا شيخه بلا قرف