وطنى حبيبى ... وطنى اتكور

بسم الله الرحمن الرحيم

أستهل أولا كلامى وقبل أن أسترسل فى الحديث

بخالص الدعاء لقطبى الكورة المصرية بالتوفيق بعد غد

فى مبارة هى الاصعب فى تاريخ الكورة الارضية ومتسالش أزاى !

سا اتحدث اليوم عن ثقافة الكورة والتكوير .. فنحن اهتممنا وتفوقنا

جزئيا بالكرة وتقاذفناها في المرمى لكننا اتكورنا واتقذفنا في سلة المهملات في بقية المجالات

نرجع تانى لموضوعنا طبعا الكل عارف أننا أحسن وأطيب وأفهم شعب يعنى زى ما بيقول الكتاب <_<

أحنا أكتر شعب متقرطس طبعا بعد بحث دائوب عن أصل الكلمة فى المعجم وفي

اللغة قرطس يُقرطس فهو مُقرطِس والمفعول به مقرطَس وبالعامية المصرية

اتقرطس يعني اضحك عليه .. وحينما فكرت في أصل الكلمة فكرت إن اتقرطس يعني مثل

الورقة القديمة لما تكورها بعنف وتقذفها على طول ذراعك في سلة المهملات.. لذلك فأنا أدعو

لاستخدام اتكورنا بدلا من اتقرطسنا مواكبة للعصر

ومع الاعتذار للأغنية المجيدة ( وطني حبيبي وطني اتكور .. يوم ورا يوم خبته بتكبر)

طبعا الكل هيقولى ولا أحنا فهمين حاجة الواد ده بيخرف ولا ايه ؟

هقولك متغلطش أسمع الكلام للاخر

طبعا الكل عارف ان تجارة الكورة حاليا هى أشبه بالنخاسة أو بسوق العبيد ! ... (متستغربش)

وطبعا الكل عارف أننا أحسن شعب يزود على نفسه ويعاند نفسه

مصر بلد المتناقضات وبرضه أحسن شعب ينسه (صفر المونديل)..... فكرتنا بالذى مضى ليه بس هقولك معلش نتعلم من اخطانا

نرجع لموضوعنا

اللى عايز أقوله مقدما انك وأنتا بتتفرج على الماتش شجع بعزم ما فيك خرج الكابت اللى جوئك

بس بعد الماتش ما يخلص خلاص ماتش وأنتهاء (أعتبره ماتش وراح... زى ما قالت الست شرين) ....

يعنى متتحججش أن الجو حار وتقلع وتجرى فى الشارع

ومتجيش تخرج مع الجماهير في الشوارع في مظاهرات ليس ضد قصف رقبتها وشل أرزاقها وسرقة

أموالها وإنما مظاهرات الغبطة والفرح بفوز فريقها فتتشح العواصم بلون الفريق الفائز

ومتجيش فى المنتدى تعاير واحد زملكاوى لو انتا أهلاوى وكسبت وبرضه نفس الكلام للزملكوية

أفتكر ان عندك أمتحانات أفتكر أن فيه ناس بتموت فى اللحظة اللى انتا بتتفرج فيها وبتشجع

يعنى أنا مش بقولك متفرحش بس بالمعقول

أظن الكلام واضح

عايز واحد بئا رخم يرد عليه ويقولى طيب ايه لزمته الموضوع ده

ما انتا بتدخل تنحاز للفريق بتاعك فى أى موضوع رياضى ...!

هقوله والله ابدا انا بس بسخن الموضوع ...

علشان أضحك شوية (والحمد لله كل الموضيع دى بتحذف فى النهاية.... )

وشكرااااا