نصائح بيل جيتس للشباب

[أحمد كووول]

بيل جيتس وهوه من أغني 5 ف العالم دعوه لمدرسة ثانوي ف أمريكا علشان يستفيدوا من خبراته




الطلاب قالولو : انصحنا يا جيتس

قال لهم :
1- خدوا بالكوا الحياة ليست عادلة
يعني انسي من جد وجد ومن زرع حصد

2- أوعوا تفتكروا إن الحياة مهتمة بيكوا الحياة مش هتهتم بيكوا إلا إذا كنتوا حاجة وكان ليكوا معني

3- إنت مش هتعمل60 ألف دولار في السنة إلا لما تشتغل كتير قوي ومش هيبقي عندك تليفون ف العربية إلا لما تشتغل أكتر

4- إذا كنتوا فاكرين إن المدرسين بتعكوا بايخين ورخمين استني لما تشوف المديرين بتوعكوا

5- لا تخجلوا من إنكوا هتقلبوا برجر أول ما تتخرجوا دا زي تقليب الطعمية عندنا انتو بتسموها تقليب برجر لكن اللي بنوا أمريكا قبل كده كانوا بيسموها فرصة

6- متعملش دوشه كتير علي أخطاءك خلاص غلطت و انتهت

7- أوعوا تفتكروا إن أهلكوا مملين يعني دايما حاسين إن انتوا كووول وبابا وماما مملين بابا و ماما كان دمهم خفيف قبل ما انتوا تيجوا هما بقوا دمهم تقيل بعد ما انتوا جيتوا بقي عندهم فواتير و مدارس و مسؤليات أكل وشرب لكن حياتهم قبل كده كانت لطيفة

8- أوعوا تفتكروا إن الحياة بتتقسم لناس كسبانين وناس خسرانه الحياة بتتقسم لناس معاها وناس ممعهاش يعني مش معني المكسب إنك معاك فلوس

9- أوعوا تفتكروا إن الحياة متقسمة ترمات وفي أجازة صيف لما تتخرجوا مفيش أجازة صيف

10- أوعوا تفتكروا إنكوا هتطلعوا تقعدوا ف كوفي شوب لما تطلعوا هتشتغلوا كتير قوي

11- متتريقوش علي الناس الأغبياء لأن في الغالب دول هيبقوا الرؤساء بتعكوا

ايه رأيكوا بقي ف النصائح