إلى كل من يسخر من المعلم المساعد

[Mr.Trueman]

المنتدى ده اسمه منتدى المعلم المساعد يعنى الى يشارك فيه اما يكون معلم مساعد او مهتم باخباره بايجابيه غير كده ياريت الناس الى ملهاش لازمه ماتدخلش وتريحنا من التريقة دى. والاستاذ الى نازل سلخ فينا ده أحب اقول له ايه كم الشماتة والتشفي الى انت فيه ده ؟السنا اخوة لك فى الله؟ ولا سيادتك بتستكثر علينا اننا نتثبت ؟ مثل معظم الاساسيين الذين لا يكفون عن السخرية منا ليل نهار وهم يعلمون فى قرارة انفسهم اننا افضل منهم ومؤهلين عنهم لهذه المهنة؟وإن كان الله قد أنعم عليك بالتعيين ثم السفر فهو قادر على ان يسلبك اياهم بدعوة اخ صائم مظلوم مغلوب على امره قد اذاه اسلوبك الساخر الغير مبرر.واذا كنا جالسين خلف الشاشات وبنتكلم فسيادتك جالس مثلنا وتحت التكييف على الاقل احنا بنعمل الى بنقدر عليه وربنا معانا ومهربناش وسبنا البلد عشان الحكومة ترتاح مع العلم ان فيه اكتر من فرصة للسفر .ممكن ترد وتقول ان انت بتنتقد السلبية هرد عليك بصفتك ايه؟وكمان انت متعرفش ظروف الناس ايه. فى ناس عندها اطفال وعائلات وخايفة عليهم اما من الحبس او من ضياع العقد لاسباب امنية .وفى ناس مريضه.والنسبة الاكبر منهم من الاخوات الفاضلات ولا عايزهم ينزلوا كمان ويسيبوا اولادهم ؟وكمان معظم المتعاقدين من مناطق ريفية بعيدة عن عواصم المحافظات بساعتين واكتر وايضا مش كل المتعاقدين عندهم نت والى عندهم مش كلهم بيدخلوا المنتدى.يعنى العدد بالفعل محدود.ولو هتنتقد يبقى باسلوب موضوعى بعيد عن السخرية والاستهزاء . السؤال المهم انت لو فى مكانا هتعمل ايه؟ ياريت تدلنا على افكارك الخلاقة؟ وبلاش الاسلوب المستفز ده.

أعوذ بالله من الشيطان الرجيم

-الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ (79) التوبة
-يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ (11) الحجرات
-عن عبد الله بن عمر أن رسول الله قال : المسلم أخو المسلم لا يظلمه ولا يسلمه ولا يخذله ومن كان فى حاجة أخيه كان الله فى حاجته ومن فرج عن مسلم كربة فرج الله عنه كربة من كربات يوم القيامة ومن ستر مسلماً ، ستره الله يوم القيامة)متفق عليه .
- عن أنس، عن النبي صلى الله عليه وسلم قال:
(لا يؤمن أحدكم حتى يحب لأخيه ما يحب لنفسه).متفق عليه
-ومما اوصى به رسول الله معاذ بن جبل عندما بعثه الى اليمن :"واتق دعوة المظلوم فإنه ليس بينه وبين الله حجاب" رواه البخاري