استفسار ضروري بخصوص النتيجة رجاء المساعدة

[الأستاذة أم شاهندة]

المشاركة الأصلية كتبت بواسطة Final2010

السلام عليكم ورحمة الله وبركاته
اخواني انهاردة انا شوفت نتيجتي انا مرحلة تانيه
وكان عندي رياضة من مرحلة اولي ، وعندي جيولوجيا دور تاني
وامتحنتهم والمفروض نجحت فيهم
ومجموعي بيقول اني 205 ,( 50%) ولما بجمع الدرجات بلاقيهم 247.5
انا عايز اعرف دلوقيتي انا فعلاً 50% ولا اكتر
ودي صورة للنتيجة
http://img534.imageshack.us/img534/5916/17082010012026.png
----
الاستفسار التاني بخصوص التقديم
انا المفروض هدخل تعليم مفتوح لو مجموعي 205 فعايز اعرف المرحلة التالته من التنسيق دي هتبتدي امتي
وكاتبين علي موقع الوزارة في الطلبات حاجه اسمها الاستمارة البيضاء الدالة علي النجاح ( انا مش عراف يعني ايه دي اجبها منين )
وكمان انا منازل والمفروض اني كنت ساحب الملف بتاعي من المدرسة الي كنت فيها وقدمت في مدرسة السنيه الي في السيدة ذينب الاستمارة وكانت معتمدة من مدرستي الأولي
فلو عايز اجيب النتيجة من مدرسة اجيبها من السنية ولا من المدرسة الي كنت مستجل فيها ولا من المدرسة الي امتحنت فيها ولا اروح اموت احسنلي
واخيراً لو حد يعرف مصاريف حقوق وتجارة واداب كام في السنه علي بعضيها وشروطها والحاجات دي يقولي
انا عارف اني استفساراتي كتير لكن انا مربك جداً ومش عارف اعمل ايه بصراحة
وكل سنه وانتم طيبين جميعاً بمناسبة الشهر الكريم
محمد

بص يا بنى
أولاً مبروك على النجاح
ثانياً اصبر لما تجيب الملف من المدرسة وتتأكد من الدرجات وحكاية المجموع دى لأنها غريبة فعلاً
ثالثاً التنسيق حيبدأ فى الأيام الجاية بس لسة لم يحدد له يوم معين تابع القسم هنا ومؤكد حتعرف الأخبار والشروط وقتها
رابعاً الاستمارة البيضاء يعنى استمارة النجاح اللى فيها درجاتك حتاخدها من المدرسة مع الملف إن شاء الله
خامساً الملف بتاخده من المدرسة اللى مستجل فيها واسمها حتلاقى على الموقع بتاع النتيجة
سادساً بالنسبة للمصاريف فى التعليم المفتوح بتختلف حسب الجامعة مش الكلية وبس
والرابط ده ممكن يساعدك https://www.tansik.egypt.gov.eg/appl.../Dalel/5-5.htm




تحت أمرك فى أى استفسار
ولا يهمك
ربنا معاك
وأنت طيب
الله أكرم