|
||||||
| حوارات ومسابقات ققسم خاص بالحوارت واللقاءات والموضوعات الخفيفة و المسابقات و الألغاز الهادفة |
|
|
أدوات الموضوع | انواع عرض الموضوع |
|
#1
18-08-2010, 02:21 PM
|
||||
|
||||
حصريا الحلقة الثالثة من برنامج"فى بيت سمر سعد مع الموهبة الرائعه محمد حلمى"
بسم الله الرحمن الرحيم " السلام عليكم ورحمة الله وبركاته اعزائى المشاهدين اهلا ومرحبا بكم الحقيقة النهارده بيتى مش هيكون بيت عادى لا ده هيكون قفص اتهام لضيفنا اليوم , المثير للجدل فى الوسط دائما النشيط الحريص على عمله وعلى مهنة اشرافه المكلف بها فهو حلم لجماهيره وحلمهم ان يصلوا الى قلبه فمعى ومعكم النجم المحبوب محمد حلمى........................................ انا:حلمى نورتنى النهارده بجد وبشكرك على موافقتك انك تكون معايا اليوم وانا سعيدة جدا بالحلقة اليوم , وسعيده جدا جدا بهديتك للبرنامج بجد الف الف شكر وانت بجد كلامى يعجز عن شكرك ومدح موهبتك لكن ده مش هيخلينى برضوه ارحمك ههههههه, لكن فاصل وهنرجع مع اول غرفة انتظرونا مع قفص الاتهام!!!!! .................................................. .................................................. .......... الغرفة الاولى:- انا: حلمى رجعنا تانى وانا عارفة انك قلقان لان فى توصية جامده جدا من جمهورك ليك والكل عايز ياخد حقه منك وانا اولهم هههههههههههه , هبدأ معاك زى اى ضيف وبأسئلتى التقليدية...... - الاسم -السن -الوظيفة -حلمى بداية كنت عايزاك تعرف ضيوفى فى الحلقات السابقة قالوا ايه عنك:- النجمه سؤئة الطيوبة:حلمى دائما متألق باعماله والفنان زيكا ستار:بيهديلك اول نسخة من كتابه وهو على فكرة بيعزك جدا وطبعا الوسط كله عارف ده وبيقول برضوة عنك دايما متالق " طبعا هما مشكورين جدا" - حلمى هل انت واخد الرسم هواية ولا نفسك تشتغل فى المجال ده فعلا؟! - اى موهوب بعد لما بيبدع بيبقى عنده حد كده اول واحد يحب ياخد رايه , مين اول حد بتاخد رأيه وبتثق فيه فى البيت؟! - حلمى عرفت انك بتخاف جدا من الغدر والخيانة , صح, هل حصلك من قبل غدر او خيانة؟! - اى انسان فى الدنيا بيبقى مخطط لحياته انت حاسس لحد دلوقتى حياتك ماشية حسب تخطيطك ولا القدر اللى بيفرض عليك حاجات؟! - مين اول حد قال لحلمى انت فنان واتمنى اشوفك فنان كبير ولازم تسعى ورا موهبتك دى؟! - حلمى زى ما قولت انت فعلا حلم جمهورك دايما انهم يوصلوا الى قلبك وبجد ما شاء الله عليك اسمك دايما لامع فى الوسط الفنى وبقوة بحييك بجد على نشاطك بس انت حابب يبقى اسمك اكبر من كده ولا يكفيك القدر ده من المعجبين؟! " حلمى انا كل ده بخدك واحده واحده لكن انت الحقيقة داخل قفص الاتهام بس معايا فى تانى غرفة خليكوا معانا بعد الفاصل................" .................................................. ...................................... الغرفة الثانية:- " ورجعنا تانى والحقيقة ربنا يستر فى الغرفة دى ومش عايزاك تضايق يا حلمى او اسألتى تكون مستفزة بس انت رديت عليا بالموافقة ولازم ترد زى اى ضيف رد على اسالتى.....نبدأ.... " الحقيقة يا حلمى ملفك فى الوسط الفنى نظيف جدا ولم المسه بقلمى و اضع على اى شىء احمر بالخط العريض لكن اعمالك دايما مثيرة للجدل هوريك حاجات قيلت عن لسانك بس مالكش حق النفى, التبرير فقط , ومش عايزة كلمة لا تعليق , نبدا:- -وكمان المواضيع اللى بعملها بتكون مفيدة جدا ووالله ببقى تعبان فيها ومحدش بيبدى اهتمام غير بمواضيع البنــات ... " "هنا فى اتهام من الصحافة ان محمد بيتهم الجمهور انه مش بيفضل غير الاعمال النسائية وهذا يدل على غيرة حاده من الاعمال النسائية ردك ايه؟! طيب والله العظيم كتير هنا بيعملوا كده ... وبيدخلوا مواضيع تافهة جدا مجرد ان اللى عاملها اسم بنت .... وكله بيجــامل كله .... خلاص بقى هاقول ايه ولا ايه ..... -"هنا محمد حلمى بيتهم الاعمال النسائية بالتفاهه , وحتى اللى بيرد على اى عمل نسائى اهى مجرد مجاملة او جبر خاطر عشان دى بنت , اشمعنا البنات دايما اللى انت بتتكلم عنها فى الصحف ودايما مطهد اعمالها؟! لو اللى بيدخلو مواضيع تافهة ومواضيع البنات ... فدول عشان هما هايفين واظن انك في غنى عنهم انت اثبت نفسك وملكش دعوة بكمية الردود لو انت عايز ردود وخلاص بغض النظر عن الإفادة ممكن تنضم لجماعة (التافهين) وحتلاقي تافهين كتير برده لكن زيادة الهايفين عمرها ماكانت سبب تخليك تمشي ففي المقابل حتلاقي كتير مهتمين " مش هقول مين اللى رد عليك فى نفس الصحيفة قال كده لكن انت بعد كده قولت عنه هكذا وبدون انكار يا حلمى "صحفية سالتك مين اكتر عضو بيقهرك بتصرفاته , بدون اى تردد قولت " بانزر" ليه؟! - جرأءة جبارة واتهام فظيع من الرجال فى الوسط الفنى على النساء والاعمال النسائية وانتم تشاركوهم فى جميع الاعمال وثم تقولوا انا ارفض صداقة الولد والبنت , قولى ازاى دى تعقل الصحف مالهاش سيرة غير الموضوع ده وانت شاركت قبل كده برأيك وعايزة الناس كلها تعرفه بوضوح دلوقتى؟! - اشمعنا حلمى اللى اخد فى العمل الفنى كنز الحياة للكاتب الموهوب زيكا اكبر دور ده انت واخد دور اكبر من صاحب العمل نفسه ايه السر؟! - ايه حكايتك مع الناس بتوع العمل الفنى المليون رد للفنان الجميل محمد ببعتله الف تحية , واشمعنا كل يوم وقبل الفجر كلكم بتتجمعوا؟! - عملت دعاية جامده جدا جدا لعمل فنى اسمه " فنك امانة" شايف انه احتل مكانة على الساحه فى رمضان ولا لا؟! - حلمى اعلن انه هيعتزل عن الوسط الفنى وبعديها بأيام قليلة الحقوا حلمى بقى منتج"مشرف يعنى" ازاى دى حصلت مش بقولك انت مثير للجدل بجد؟! يا جماعة لو كل واحد بص للى هايعمله علشان الناس تقول او ماتقولش يبقى مش هيخلص .... وبعدين الناس اللى هتقول كده او كده ... الناس دى عندها بلاوى كتير ومصايب أكبر من كده ومحدش فاضى لحد .... بس انا عن نفسى ماعتقدتش انى ارتبط أو اتجوز واحدة أكبر منى ... بس بقول ان ده ممكن يحصل ومفيهوش مشاكل ... بس يبقوا متفقين فكريا .... انا بتفق معاك فى رأيك بالنسبة للناس , لكن حبيت اعلق على رايك بالنسبة للجواز انت شايف ان الست هتكون اقوى فعلا لو كانت اكبر منك؟! صحفية مرة سالتك تدى لمين شهادة تقدير انت جاوبت وبدون تردد الفنانه الجميلة اللى بوجهلها الف تحية يارا عطية ليه؟! - " حلمى لو فضلت فى قفص الاتهام يبقى هحكم للاسف عليك بالاعدام ههههههههههه لا بس بجد انت مثير للجدل دايما , وبشكرك على صراحتك معايا , فاصل ومع تالت غرفة واسمها علبة الوان انتظرونى...." .................................................. .................................................. ........ الغرفة التالتة:- " ورجعنا تانى مع حلمى النجم الموهوب بجد , خلاص بقى يا حلمى انا مش هقلقك تانى فى الغرفة دى هنهدا شوية ونتكلم عن فنك اتفقنا , وعلى فكرة انا بحب الرسم جدا وكان نفسى يكون رسمى حلو بس للاسف ما علينا نبدأ......................... - حلمى بيقولوا دايما ان الرسم بيريح الاعصاب ده صحيح فعلا؟! -بما اننا يا حلمى فى علبة الوان اختارلى لون بتحبه اووووووووى وبيوصفك؟! - رسام حلمى بيقول يارتنى اكون فى شهرته بجد فى يوم من الايام؟! - لو قولتلك اهدى البرنامج بتاعى حاجه من اعمالك هتهديه ايه؟! - حلمى فى مقولة بتقول " القلب الذى لا يؤمن بالحب قلب بارد" , انت قلبك بارد ولا بتؤمن بالحب؟! -ومقولة تانية بتقول " ضعف المرأءة فى الحب سر قوة الرجل" بتوافق ان المراءة لازم فعلا تكون ضعيقة ولا يكون فى تساوى فى القوة بما اننا بقى بنكلم مزعج النساء دائما فى الوسط الفنى ههههههههه؟! -حلمى من وجهة نظر فنك ورسمك وابداعك الدنيا لوحه كبيرة عاملة ازاى؟! - حلمى تختار حياة عاطفية ام حياة علمية افضل؟! " حلمى احنا اخدنا راحه شوية فى الغرفة الهادئة دى لكن انت عارفنى مش دايما بريح كده فاصل وهنروح لغرفة مع او ضد انتظرونا...................." .................................................. ............................................ الغرفة الرابعة:- " ورجعتلكم تانى ومعايا حلمى اللى منورنى النهارده جاهز يا حلمى نكمل الحوار .............. على خيرة الله نكمل .................." -حلمى مع او ضد:- -عمل منهج دراسى جديد لكل سنة دراسية - جواز البنت تحت سن ال18 سنة - عمل كليات خاصة للبنات وكليات للولد - توفر الدولة فرص عمل للشاب حتى اوقات الدراسة - وزير التربية والتعليم - عمل المراءة حتى لو كانت فى حاجه الى المال - الصداقة بين البنت والولد "وحطالك مليون خط احمر على النقطة دى وعايزة اجابة مقنعه يا حلمى" - التدريس على الانترنت بدل ما الطلاب يروحوا المدارس " حلمى فاصل وهنرجع لاخر غرفة معانا انتظرونا........" .................................................. .................................................. ........... الغرفة الخامسة:- " ورجعنا تانى وللاسف دى اخر غرفة يا حلمى وطبعا مش هسيبك تمشى كده من غير اسالة برضوة بتثير الجدل , نبدأ.......................... - حلمى احد الصحف قالت" تعجبنى ردود حلمى على الموضوعات فهو بارع فى جذب حب الناس اليه"ردك ايه؟! - فى نظرك مين فى الوسط الفنى اعماله دايما بتثير الناس؟! -موهبة فنية بجد محدش واخد باله منها؟! - حلمى طبعا واضح ان ما شاء الله علاقاتك مع الناس فى الوسط كويسة جدا لكن مين اكتر تلاتة دائم الاتصال بيهم؟! - يوم لما قررت الاعتزال مين اول حد , انا عارفة ناس كتير بعتتلك بس مين اول من بعت ليك ايميل " رسالة خاصة يعنى" وانت فرحت اووووووووووى؟! - انت كنت دائم الشكوى من المنتجين "المشرفين يعنى" يوم لما انت اخدت المهمة دى حسيت انك افضل من ناس كتير , وهل حسيت انهم بيتعبوا بجد عشان يحافظوا على مستوى الوسط احكلنا عن التجربة يا حلمى؟! -اكتر التجاوزات اللى ضايقتك جدا فى الوسط ولايمكن تنساها؟! -امتى حلمى هيقول انا هسيب الاشراف؟! - 3 انت شايفهم دايما على الساحه ونفسك تحتل معاهم القمة منافسة شريفة طبعا؟! - رأيك بجد فى العمل الفنى لزيكا ستار, وشايف فعلا هو احسن اختيار الابطال؟! - اسم دايما مقترن بأسمك فى اى موضوع ؟! - حلمى هل عجبك بيتى فعلا , وانا بعتذر لو كانت اسألتى مستفزة شوية بس انت عارف دى طبيعة البرنامج وزى اى ضيف حابه انك تقول كلمة للبرنامج ولقناة بوابة الثانوية العامة الراعى الرسمى لبرنامج سمر سعد؟! "اعزائى المشاهدين انا بشركم من كل قلبى على ايميلتكم الجميلة اللى بترسلوها يوميا للبرنامج وبشكر نجومى اللى بينورونى دايما وهما اللى صنعوا البرنامج مش انا وبوجه ليهم الف تحية من بيتى ويارب بيتى يفضل دايما مفتوح لكل فنان موهوب , فشعارى دائما اسعد القلوب كى تنبض للاخرين, فهؤلاء النجوم قلوبهم تحتاج الى من يسعدها كى يأتوا الينا بأجمل الابداع , انا بشكرم جدا على حسن متابعتكم والى اللقاء فى الحلقة القادمه والسلام عليكم ورحمة الله وبركاته فى رعاية الله , احبائى........................ وانتظرونى فى الحلقة الاكثر جرأءة على الاطلاق مع النجم وجدان حنفى ......................"
__________________
 ~Love your life ~ 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:20 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
