غموض جريمه......................الحلقه الاولى

[7ooooda gamal]

نبدأ بسم الله اولى حلقات لغزنا المحير
وقصتنا المثيره

يارا:صباح الخير يا زيكا
انت مش هاتروح شغلك النهارده ولا ايه
الساعه بقيت 7.30 يلا قوم عشان تروح على شركتك

(زيكا بيشتغل نائب مدير شركه كبيره للإستيراد والتصدير
وموظف متميز جدا ف شركته
والكل يعترفله بالكفاءه)

وزيكا طبعا بعد كلام يارا اتنفض من ع السرير
وقام نط ف الهدوم ونزل على طول عشان يلحق شغله
وبدال كمان ما المدير يزعقله
مع انه من المتميزين ف شغله بس بيحافظ على مواعيده دايما
ودايما ف معاده ف الشغل
وعمره ما إتأخر
لكن برده بيعمل حساب المدير وبيخاف منه
والمدير بصراحه يخوف
صارم جدا وحازم جدا وهو (الامير محمد)

واول ما راح شغله زيكا
لقى المدير ف وشه

(يا ليله فل ربنا يستر)

زيكا:صباح الخير يافندم
انا اسف جدا ع التأخير لكن اصلى راحت عليا نومه
عشان كنت سهران طول الليل بشتغل

محمد:سهران بتشتغل
ازاى يعنى؟؟؟؟؟
ويعنى هو الشغل ده مايخلصش هنا
ده انت اول مره تعملها يا احمد
يلا روح على مكتبك بسرعه عندك شغل كتير النهارده

زيكا:حاضر يافندم
(ياعينى مسورق وصوته رايح خالص)

وراح زيكا على مكتبه بسرعه قبل ما المدير يقلب عليه
(اصل المدير ده شرانى حبتين
ومؤذى تلات حبات
ربنا يكون ف عون اللى شغالين معاه وكمان كان ليه موقف كده مش لطيف مع زيكا
وزيكا شايل منه من ساعتها
كان فيه اعاره جايه لزيكا وبعدها هايرجع يترقى ويكبر
وكانت على موافقة المدير
لكن المدير رفض ومارضيش يوافقله ع الإعاره)

نرجع لزيكا
دخل مكتبه كالعاده وهو داخل طلب من عم محمد فنجان القهوه المظبوط اللى يعدل الدماغ ودخل مكتبه صبح على زميله ف الشغل
(حلمى)
اللى معاه ف نفس المكتب بتاعه
حلمى موظف تحت زيكا على طول
يعنى مساعد نائب المدير
بس غارق ف الديون
ومديون لطوب الارض وعايز سلفه من الشركه
عشان يسدد ديونه
وتبقى تتخصم السلفه دى من مرتبه
واللى هايصرفهاله هو المدير
حلمى راح للمدير ف مكتبه وطلب منه السلفه بس المدير رفض بشده ومارضيش يديهاله ووبخه توبيخا شديدا

ايه اللى هايحصل بعد كده
وفين الجريمه
ده طبعا السؤال اللى بيتردد على لسان كل اللى بيقرا الموضوع
عارف والله

بس اشوف تفاعلكم الجميل
وانزل الحلقه التانيه على طووووووووووول

مشكورييييييييييين لمروركم وردودكم مقدما