اغيثونى بالله عليكم

[mahamed farouk]

السلام عليكم ورحمة الله وبركاته
بسم الله الرحمن الرحيم

جميعا نسمع عن مشاكل طلاب الثانوية العامة منهم من لايحب المذاكرة ومنهم من يحب اللعب ومنهم من يشغل باله بالمعصية ومع الاسف لست انا من هولاء لانى احب المذاكرة جدا واحب الله انا ذاهب للصف الثالث الثانوى حصلت على مجموع 86% السنة الماضية وهذا ليس مستواى وكان الجميع فى النزل يتوقع لى 60% ويقولون انا مبقعدش اذاكر بس انا كنت بذاكر وهما مش موجودين يدوبك ساعتين ويجوه وساعات بيبقى عندى دروس ما بذاكرش الساعتين والمشكلة هى ان والدى يعمل لساعات متاخرة جدا وهو اكتر شخص احبه يعطى جو الهدوء للمنزل لكى اعرف اذاكر ولكن والدتى واختى التى بالصف الثالث الاعدادى واخى الذى بالصف الثانى الابتدائى دائما يتشاجرون بالصوت العالى و يكركبوه الشقة ويعلو التليفزيون والكمبيوتر وانا ماليش اودة ليه انا هكمل علمى رياضة وانشاء الله اجيب100% واحقق حلم والدى وحلمى بان اصبح مهندس وبدات بالفعل قصة الكفاحواخذ حصتين دروس وفهمت وكنت مركز والاساتذة كانت فرحانة بذكائى كبداية كل عام ولكن مستواى يهبط بسبب الاعمال السابقة فدارت فى بالى فكرة وهى الجلوس مع جدتى فى الشقة وهى ست كبيرة ومريضة ولكن صحتها الحمد لله كويسة وتمكث معظم ايام السنة مع عمتى فى شقة اخرى (ارجو نصيحتى اعمل ايه والله انا مخنوق ونفسى اتتفوق زى زمان وواله انا مبتحججش ذى ما البعض بيعمل)