أســـــمــــه أيـــــــه ده

[روميو]

بدأت الحكاية لما قررت اروح الجمعية اشتري التموين لقيت البياع بيقولي بطاقتك خلصت تعالي بكرة نشوفلك حل

طلعت الموبيل من جيبي قولت اتصل بالبيت حد يقولي اعمل ايه لقيت ما فيهوش رصيد مع اني شحنت الصبح

يا ترى مين اللي خلص رصيدي يمكن حد من البيت كان عايز يتكلم وخلص الرصيد

فقولت في نفسي اعمل ايه وازاي احل المشكلة ديه حطيت ايدي في جيبي لقيت كارت من بتاع الكباين اللي في الشوارع
دخلت الكارت في الكابينه ويارتني ما دخلته
لقيت الكابينة بتصفر

فقولت ياه انا حظي ليه كدة ولا يمكن الكابينة خربانة

مشيت شويه أفكر اعمل ايه اعمل ايه

قولت مفيش بقي غير أني اروح عند اقرب كشك سجاير اتكلم في التليفون وبالمرة اشتريلي سجارتين

لقيت الراجل بيقولي السجاير خلصت والتليفون بيستقبل ما بيرسلش عشان ما دفعش الفاتوره

ايه التقفيل ده فقري من يومي !!!!

فقولت مبدهاش بقي لازم ابقي رذل وأشوف اي حد اتكلم من تليفونه ويمكن يطلع حظي كويس أأخد منه سيجاره

لكن اللي حصل أني

كل ما اقرب من حد يفتكرني مجنون يجري مني

لما زهقت قولت اروح بيتي وكفاية بهدلة كدة

طيب انا علشان اتكلم في التليفون اتبهدلت البهدله ديه كلها امال بقي لو حبيت اشتغل

يا نهار يا نهار

اكيد هقابل واحد يقولي فوت علينا بكرة

واكيد برضه هلاقي اللي يستغلني ويعشمني بوظيفة وياخد من ورايا شيء وشويات

قال يعني معايا الملايين

ولازم أقابل ناس في طريقي لا يعتمد عليهم

والاكيد الاكيد بقي اني اخر لمة اتخنق من كل ده واقول كلمتين حق هيطلبولي بوليس النجدة

ومسشتفي المجانين ويقولو عليا مجنون

يعني من الاخر مستقبلي ضايع ضايع



وفى النهاية اريد ان اعرف كيف سيكون مستقبلك ضايع ولا ايه ؟؟